Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. mars. 2009 11:02

Snæfellsliðið hvorki fugl né fiskur í Grindavík

Snæfell þarf virkilega að taka sér tak og einbeita sér að verkefninu þegar Grindvíkingar koma í Hólminn annað kvöld, miðvikudag, þegar fram fer önnur viðureign þessara liða í undanúrslitunum, en þrjá sigra þarf til að komast í úrslitaviðureignina. Grindvíkingar gjörsamlega völtuðu yfir Snæfellinga í Röstinni í Grindavík á mánudagskvöldið. Hólmararnir náðu aldrei upp stemningu í leiknum og munurinn á liðunum var ótrúlega mikill. Strax í byrjun voru Grindvíkingar fljótari á öllum sviðum og lítið örlaði fyrir þeim sterka varnarleik sem Snæfellsliðið er þekkt fyrir. Undirritaður man varla eftir að hafa orðið vitni að annarri eins flugeldasýningu eins og heimamenn stóðu fyrir í fyrsta leikhlutanum, en þá skoruðu þeir 42 stig á móti 17 stigum Snæfells. Staðan í leikhléi var 67:48 og strax í byrjun seinni hálfleiks jókst munurinn enn frekar og Snæfellingar voru í raun aldrei líklegir til að ná að minnka muninn neitt að gagni. Lokatölur urðu 110:82.

Lucious Wagner var langbestur í liði Snæfells og sá eini sem virtist vera með á nótunum. Hann skoraði 30 stig, Jón Ólafur Jónsson gerði 13 stig, Hlynur Bæringsson 9, Magni Hafsteinsson 8 og þeir Gunnlaugur Smárason og Sigurður Þorvaldsson 6 hvor. Hjá Grindavík voru útlendingarnir stigahæstir, Nick Bradford með 24 stig og Brenton Birmingham gerði 21. Sigur Grindvíkinga var enn sætari fyrir þær sakir að hinn fyrna sterki leikmaður Páll Axel Vilbergsson lék ekki með vegna meiðsla.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is