Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. mars. 2009 09:57

Þyrlan er að lenda með hina slösuðu í Reykjavík

Nú klukkan 21:45 tókst áhöfn TF GNÁ, þyrlu Landhelgisgæslunnar, að ná slösuðu konunni af Skarðsheiði og mun þyrlan lenda í Reykjavík um klukkan 22:10. Þegar björgunin í þyrluna tókst voru liðnir um 8 klukkutímar frá því slysið varð í vesturhlíðum Skessuhorns. Hin slasaða var ásamt 11 öðrum í gönguhópi á fjallinu þegar konan hrapaði í klettabelti laust fyrir klukkan 14 í dag.

Um 120 björgunarsveitarmenn af Vesturlandi og höfuðborgarsvæðinu hafa unnið að björgun fólksins við erfiðar aðstæður í dag. Mikill snjór og snarbratt var þar sem slysið átti sér stað í um 820 metra hæð yfir sjávarmáli. Björgunarsveitarmenn sem fyrstir komu á staðinn hlúðu að hinni slösuðu á staðnum  og biðu eftir sjúkrabörum. Eftir að félögum þeirra tókst að koma börunum upp hófst flutningur niður á meira láglendi þar sem hinni slösuðu var fyrst komið fyrir í snjóbíl þar sem læknir úr Borgarnesi var til staðar.

Bíða þurfti drykklanga stund á staðnum þar til veðuraðstæður sköpuðust fyrir þyrluna. Tæpt var orðið með eldsneyti á þyrlunni og urðu því allir hlutaðeigandi mjög fegnir þegar tókst að hífa hina slösuðu um borð. Björgunarsveitarmenn eru nú klukkan 22 á leið til byggða eftir vel heppnaðan björgunarleiðangur. Ekki eru upplýsingar um líðan konunnar sem slasaðist.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is