Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. apríl. 2009 12:30

Hlédís tekin við formennsku í Beint frá býli

Hlédís Sveinsdóttir
Aðalfundur Beint frá býli var haldinn að Smáratúni í Fljótshlíð fyrir skömmu. Beint frá býli er félag bænda sem stunda sölu afurða beint frá býli til neytenda. Tilgangur félagsins er að hvetja til heimavinnslu og sölu beint frá bændum og að tryggja neytendum gæðavörur þar sem öryggi og rekjanleiki vöru er í fyrirrúmi. Félagið telur 62 býli vítt og breitt um landið. Hlédís Sveinsdóttir tók við formennsku í félaginu á aðalfundinum en Jóhanna B. Þorvaldsdóttir geitabónda á Háafelli gegndi því síðast. Hlédís er stofnandi fyrirtækisins Eigið fé ehf. sem á og rekur heimasíðuna www.kindur.is. Einnig sitja í stjórn Marteinn Njálsson frá Suður-Bár í Eyrarsveit og Guðmundur Jón Guðmundsson frá Holtseli.

„Krafa neytenda um að fá gæðavörur frá fyrstu hendi er sífellt að verða háværari. Beint frá býli er eins konar brú milli framleiðandans (bóndans) og neytandans,” segir Hlédís. Hún segir að mikil nýsköpun eigi sér stað innan veggja Beint frá býli og að mikil hugur sé í bændum og búaliði. Margir eru að þróa sínar vörur enn frekar meðan aðrir eru að búa til nýjar frá grunni. Þá segir Hlédís að bændur hafi í auknum mæli áhuga á að markaðssetja og selja sínar vörur sjálfir, ekki einvörðungu að framleiða þær. Þannig geti þeir aukið sinn hlut í virðiskeðjunni. Það vinni einhvern veginn allir í Beint frá býli, bæði framleiðandinn og neytandinn.

 

„Beint fá býli er það sem koma skal, íslenskur landbúnaður hefur átt undir högg að sækja undanfarin ár þar sem hagræðing hefur ráðið ríkjum með þeim afleiðingum að afurðastöðvar eru orðnar færri og stærri. Oft með þeim afleiðingum að hlutur bænda hefur rýrnað og fjölbreytileiki afurða minnkað. Beint frá býli leggur höfuðáherslu á sérstöðu matvælanna, íslenska gæðaframleiðslu og upprunatengingu. Það má einnig segja frá því að ný heimasíða er í bígerð þar sem virk vefverslun verður í boði.”

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is