Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. apríl. 2009 01:51

Nýtt Akranesskilti komið við Hvalfjarðargöng

Eitt sinn var sagt að einkenni Akraness væru K-in þrjú, þ.e. kvenfólk, kartöflur og knattspyrna. Tímarnir eru hinsvegar breyttir og áherslur lagðar á sandinn, golf en boltinn er enn eitt af sérkennunum. Eins og fram hefur komið hafa bæjaryfirvöld á Akranesi ákveðið að efna til sérstaks átaks í ferðamálum. Áformaðar eru ýmsar aðgerðir til að átakið megi heppnast sem best og má segja að það hafi formlega hafist í gær þegar nýtt og glæsilegt bæjarskilti var afhjúpað við Hvalfjarðargöng að norðanverðu að viðstöddu fjölmenni, þrátt fyrir frekar hryssingslegt veður. „Allt bendir til þess að Íslendingar muni ferðast meira um eigið land á komandi árum og má segja að átakið sé sett af stað í tilefni af því. Mikilvægur þáttur í átakinu er að vekja athygli vegfarenda á því hve Akranes er skammt frá þjóðvegi eitt og að hér sé margt skemmtilegt í boði fyrir gesti og ferðafólk, ekki síst fjölskyldur. Skiltið er afar glæsilegt og kemur til með að vekja mikla athygli“, sagði Tómas Guðmundsson, verkefnastjóri Akranesstofu af þessu tilefni.

Auk skiltis sem vísar á Akranes er um að ræða stóra fötu og skóflu, sem minnir á skemmtilegan dag á Langasandi, stóra golfkúlu og fótbolta en nefna má til gamans að fatan er tæplega tveir metrar að hæð. „Fullyrða má að hvergi á Íslandi er að finna skilti sem þetta, nema þá kannski kókdósina frægu við golfvöllinn í Borgarnesi, en sjón er sögu ríkari,“ segir Tómas ennfremur.

 

Fleiri verkefni eru áformuð í tilefni átaksins og má þar m.a. nefna að hafinn er undirbúningur sérstaks tómstundagarðs sem áformað er að koma fyrir á Jaðarsbökkum, þar sem nú eru sparkvellir, skammt frá Akraneshöllinni. Það er danska ráðgjafarfyrirtækið Orion Tourism Marketing AS sem stjórnar þeirri vinnu, en fyrirtæki þetta hefur m.a. komið að uppbyggingu Legolands í Danmörku. Nánari upplýsingar um átakið og einstök verkefni á vegum þess er hægt að nálgast hjá Akranesstofu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is