Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. apríl. 2009 05:53

SPM semur við lánardrottna og selur Nýja Kaupþingi allar eignir

Stærstu lánardrottnar Sparisjóðs Mýrasýslu samþykktu tillögu að fjárhagslegri endurskipulagningu SPM þann 27. mars síðastliðinn. SPM hafði í kjölfarið frumkvæði að því að ganga til samninga við Nýja Kaupþing. Það var gert til að tryggja áframhaldandi þjónustu við viðskiptavini sjóðsins og með hagsmuni samfélagsins í huga, segir í fréttatilkynningu um viðskiptin.  Á grundvelli samkomulags við stærstu lánardrottna hefur SPM selt eignir sínar til Nýja Kaupþings og verður hér eftir eitt stærsta útbúi Nýja Kaupþings á landsbyggðinni. Bankinn mun greiða fyrir eignirnar með skuldabréfi og útgáfu nýrra hluta í samræmi við þá tillögu sem stærstu lánardrottnar hafa samþykkt. Samhliða þessu eignast Nýja Kaupþing allt stofnfé í SPM. Með kaupunum yfirtekur Nýja Kaupþing allar eignir og skuldir SPM, þar með talin innlán, sem eru að fullu tryggð og tekur jafnframt við rekstri afgreiðslu SPM í Borgarnesi.

 

  

Þá er ekki lengur þörf á eiginfjárframlagi frá ríkissjóði eins og sparisjóðir hafa átt kost á samkvæmt neyðarlögunum. Bernhard Þór Bernhardsson fv. sparisjóðsstjóri hefur verið ráðinn útibússtjóri Nýja Kaupþings í Borgarnesi og munu útibúin verða sameinuð í eitt í húsnæði SPM á næstu vikum.  "Þessi lausn tryggir viðskiptavinum SPM óbreytta þjónustu frá því sem hún hefur verið. Fólk á að geta mætt hingað á mánudag og ekki finna neina breytingu sem slíka á þjónustu," segir Bernhard.

 

Samhliða þessum breytingum mun Nýja Kaupþing jafnframt eignast dótturfélög SPM, þar með talið Afl Sparisjóð og Sparisjóð Ólafsfjarðar. Stefnt er að rekstri þeirra í óbreyttri mynd.

 

Sparisjóður Mýrasýslu hefur átt í miklum fjárhagsörðugleikum undanfarin misseri. "Með þessari niðurstöðu næst farsæl lausn á vanda hans sem lánardrottnar, viðskiptavinir, starfsfólk og aðrir hagsmunaðilar geta verið sáttir við," segir Bernhard, en þess má geta að SPM er þar með eina bankastofnunin hér á landi sem nær að semja sig út úr þrengingingum sínum á eigin forsendum.

 

Bernhard Þór segir að við þessa breytinga sé ljóst að það þurfi að fækka starfsfólki. "Við munum leita allra leiða til að sú fækkun verði sem minnst," segir Bernhard og bætir við að ráðningarsamningar allra starfsmanna flytjast yfir til Nýja Kaupþings þannig að allir halda sínum réttindum sem launþegar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is