Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. apríl. 2009 03:04

Snæfell heldur sínum sterka kjarna áfram

„Við erum þegar farin að huga að næstu leiktíð. Þessa dagana erum við að vinna í þjálfaramálum og þau gætu skýrst á næstu dögum. Það er útlit fyrir að við höldum okkar góða kjarna heimastráka. Það ræðst síðan þegar líður á sumarið hvað við gerum varðandi erlenda leikmenn. Staða mála í þjóðfélaginu ræður því hvort við getum leyft okkur að styrkja liðið með útlendingum fyrir næsta keppnistímabil,“ segir Sæþór Þorbergsson formaður meistaraflokksráðs karla hjá Snæfelli í körfuboltanum.  Sæþór segir að bæði stjórnin og heimafólk í Hólminum sé ánægt með frammistöðu Snæfellsliðsins í deildinni í vetur. „Við erum mjög ánægð með það að okkur skyldi takast að ná þriðja sætinu í deildinni og liðið stóð sig mjög vel í úrslitakeppninni.

Þegar við þurftum að draga saman seglin síðasta haust og senda bæði þjálfara og erlenda leikmenn heim, var ljóst að þetta gæti orðið erfitt. Þjálfararnir, Hlynur og Siggi, stóðu sig mjög vel og náðu að skapa sterka liðsheild,“ segir Sæþór. Hann segir líka ljóst að sami kjarninn ætli að halda áfram að starfa í stjórn körfuboltans í Hólminum þótt kannski verði um einhver stólaskipti að ræða.

 

„Við erum full áhuga á því að vinna áfram að því að körfuboltinn verði öflugur í Hólminum. Þetta er það mikið mál fyrir samfélagið hérna, sérstaklega að vetrinum. Þá sameinast allir bæjarbúar á bak við körfuboltaliðið. Við erum að vinna að því núna að ráða góðan þjálfara sem verði aðalþjálfari meistaraflokka bæði karla og kvenna og hafi yfirumsón með þjálfun yngri flokkanna,“ segir Sæþór Þorbergsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is