Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. apríl. 2009 04:53

Kjaftæði úr ísvélinni á Erpsstöðum

Í dag kom fyrsti rjómaísinn úr ísvél Þorgríms E. Guðbjartsssonar, bónda á Erpsstöðum í Dölum. Ísvélin er í enda nýja fjóssins á Erpsstöðum en þar hyggst Þorgrímur einnig vera með skyr- og ostagerð auk sölubúðar þegar fram líða stundir.

“Þetta voru 18 lítrar sem komu úr vélinni í dag í þremur bragðtegundum. Það voru jarðarberjaís, núggatís og vanilluís. Allt bragðaðist þetta vel. Framleiðslugetan er 25 lítrar á klukkutímann, þannig að ég get náð 200 lítrum af rjómaís á átta tíma vinnudegi,” segir Þorgrímur sem er menntaður mjólkurfræðingur en hollenskur sérfræðingur frá framleiðanda vélarinnar var honum til aðstoðar við ísframleiðsluna fyrsta daginn. “Nú er bara að bíða eftir komu heilbrigðisfulltrúa til að taka þetta út og gefa út leyfi. Eftir það get ég hafið sölu og ég vona að það verði síðar í þessum mánuði. Fólk getur hringt í mig og pantað ís sem það síðan nær í hingað. Ég verð með þetta í eins lítra og tveggja lítra pakkningum. Auk þess verðum við með talsvert í litlum neysluumbúðum bæði úr plasti og pappa en áhugasamt fólk ætlar að taka þær í sölu fyrir mig.”

Þorgrímur segir allt í fullum gangi hjá sér og hann vonast til að osta- og skyrgerðin verði komin í gang með vorinu. Hann er bjartsýnn og segir þetta ekkert “kjaftæði” hjá sér. “Kjaftæði” er hins vegar nafnið sem hann hefur valið á ísinn. “Þetta er bara leikur að orðum; algjört kjaftæði,” segir hann. Nýja fjósið á Erpsstöðum var tekið í notkun í september. Þorgrímur segir kýrnar kunna vel við sig þar og mjólka sem aldrei fyrr. Þær rati á básana án vandræða. “Við erum með 14 ára gamla kú hér og hún var ekkert lengur að átta sig á þessum breyttu högum en hinar,” segir Þorgrímur E. Guðbjartsson, bóndi og rjómaísframleiðandi á Erpsstöðum í Dölum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is