Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. apríl. 2009 03:03

Dómsmálaráðherra í heimsókn á Akranesi

Ragna Árnadóttir dómsmálaráðherra kom í dag til Akraness þar sem hún heimsótti embætti sýslumannsins. Halla Bergþóra Björnsdóttir sýslumaður á Akranesi tók á móti Rögnu á lögreglustöðinni, þar sem Viðar Stefánsson, lögreglufulltrúi og staðgengill yfirlögregluþjóns, sýndi ráðherra stöðina og búnað hennar. Ragna spurði margs og sagði fróðlegt að kynnast starfi lögreglunnar frá fyrstu hendi eftir að hafa verið að vinna með pappíra frá embættunum.  “Mér fannst við hæfi að heimsækja þetta embætti hér því ég þekki vel sýslumanninn hérna frá því við unnum saman í ráðuneytinu. Hér á Akranesi á ég líka rætur því afi minn og amma, Ragnar Jóhannesson skólastjóri og Ragna Jónsdóttir bjuggu hér á Mánabrautinni og hér ólst móðir mín upp og systkini hennar áður en þau fluttu til Reykjavíkur.”

 

 

Ragna sagðist ekki fara víðar í embættistíð sinni. Hún hefði áður skoðað sig um hjá lögregluumdæmunum á Suðurnesjum og á höfuðborgarsvæðinu. “Það gefst ekki tími í meira. Svo eru þinglok í kvöld. Það er fróðlegt að skoða þetta því eins og ég sagði hér áðan þá getur maður setið yfir pappírum og grandskoðað þá, en sjón er sögu ríkari,” sagði Ragna Árnadóttir dómsmálaráðherra, sem fór og skoðaði húsnæði sýslumannsembættisins að lokinni heimsókinni á lögreglustöðina.

 

Á myndinni hlýða Halla Bergþóra Björnsdóttir sýslumaður á Akranesi og Ragna Árnadóttir dómsmálaráðherra á Viðar Stefánsson útskýra starfsemi lögreglunnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is