Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. apríl. 2009 11:37

Borgarbyggð tapaði 841 milljón á síðasta ári

Ársreikningur Borgarbyggðar fyrir árið 2008 var lagður fram til fyrri umræðu á fundi sveitarstjórnar síðastliðinn fimmtudag en seinni umræða verður á sveitarstjórnarfundi þann 14. maí næstkomandi. Niðurstaða ársreikningsins sýnir glöggt að ytri aðstæður voru rekstri Borgarbyggðar afar erfiðar á árinu 2008. Langstærsti liðurinn í rekstrartapinu eru há fjármagnsgjöld, en að frádregnum fjármagnstekjum nam sá kostnaður 755 milljónum króna. Tap af annarri starfsemi nam 86 milljónum þannig að rekstrarniðurstaða sveitarfélagsins var neikvæð um 841 milljón króna á árinu. Páll S Brynjarsson sveitarstjóri segir í fréttatilkynningu um niðurstöðu ársreiknings að til að mæta þeim neikvæða viðsnúningi sem varð í rekstri Borgarbyggðar á árinu 2008 hafi sveitarstjórn þegar sett af stað vinnu við endurskoðun á þjónustu og verkefnum sveitarfélagsins með það að markmiði að ná fram verulegri hagræðingu í rekstri.

Rekstrartekjur Borgarbyggðar á síðasta ári voru 2.313 milljónir, rekstrarútgjöld án fjármagnsliða 2.400 milljónir og fjármagnsgjöld 755 milljónir eins og áður segir. Rekstrartekjur voru sex milljónum lægri en áætlað var en rekstrarkostnaður var talsvert umfram áætlun. Þannig var launakostnaður 100 milljónum hærri en áætlun gerði ráð fyrir og annar kostnaður 57 milljónum króna hærri en ráðgert var. 

 

“Miklar framkvæmdir voru á vegum sveitarfélagsins á árinu 2008, en alls fjárfesti Borgarbyggð fyrir rúmlega 429 milljónir á árinu. Stærstu framkvæmdirnar voru við nýjan leikskóla á Hvanneyri, breytingar á skólahúsnæði á Varmalandi, Kleppjárnsreykjum og tómstundaskóla í Borgarnesi, gatnaframkvæmdir í Borgarnesi og á Hvanneyri og framkvæmdir við sparkvelli, leiksvæði og Skallagrímsgarð,” segir Páll.

 

Samkvæmt ársreikningi voru eignir Borgarbyggðar í árslok samtals 4.284 milljónir, skuldir og skuldbindingar voru 3.848 milljónir og eigið fé því 435 milljónir sem er mikil lækkun frá fyrra ári.  Eigið fé rýrnaði um rúmar 840 milljónir á milli ára. Veltufé frá rekstri var 198 milljónir eða 8,6% og stóð veltufé undir afborgunum lána.  Handbært fé Borgarbyggðar í árslok 2007 voru rúmar 53 milljónir króna sem er lækkun um 72 milljónir frá fyrra ári. 

 

Af framansögðu má ljóst vera að mikið og erfitt starf bíður sveitarstjórnar Borgarbyggðar við endurskipulagningu rekstrar og aðhaldsaðgerðir ef ekki á að fara mjög illa. Þannig má segja að ef tap á rekstri Borgarbyggðar á þessu ári yrði sambærilegt og á árinu 2008 þá verður eigið fé sveitarfélagsins uppurið um mitt þetta ár.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is