Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. apríl. 2009 01:06

Svana Hrönn er glímudrottning í fimmta sinn

Svana Hrönn Jóhannsdóttir glímukona úr Dölum hampaði Freyjumeninu fjórða árið í röð og fimmta skiptið alls í Íslandsglímunni sem fram fór á Selfossi sl. laugardag. Tvær aðrar konur frá Glímufélagi Dalamanna voru meðal fimm glímukvenna í Íslandsglímunni að þessu sinni, Guðbjört Lóa Þorgrímsdóttir varð í þriðja sæti og Sigurdís Sóley Lýðsdóttir í því fimmta. Sólveig Rós systir Svönu hefur ekki æft í vetur vegna mikilla anna í námi. Aðalkeppinautur Svönu Hrannar, auk Guðbjartar Lóu, var Elísabet Patríarka frá HSK sem hafnaði í öðru sæti.

Í viðtali við Skessuhorn sagði Svana Hrönn að hún væri ánægð með sigurinn um helgina. „Ég hefði ekki verið ánægð nema vinna núna, enda búin að æfa ágætlega í vetur. Maður ber meiri virðingu fyrir íþróttinni en svo að mæta óæfð til leiks.“ Svana segir að ferðinni sé svo heitið til Skotlands um næstu þar sem hún keppir ein íslenskra kvenna á Evrópumóti í íþróttum tengdum glímu, nokkurs konar fjölbragðaglímu og hryggspennu.

„Ég fer með strákunum, Pétri sem varð glímukóngur um helgina og tveimur eldri glímukóngum, þeim Ingibergi Sigurðssyni og Ólafi Oddi sem jafnframt er framkvæmdastjóri og formaður Glímusambandsins. Svo fer Snær Seljan Þóroddsson úr ÚÍA með líka,“ segir Svana Hrönn, sem reyndar hefur áður farið í keppnis- og æfingarferðir á þessar slóðir í Bretlandi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is