Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. maí. 2009 03:24

Í ufsaleit kringum landið

"Heilt yfir var þetta ágæt veiðiferð en það má reyndar segja að við höfum haft töluvert fyrir veiðinni. Við fórum hringinn í kringum landið og það er frekar sjaldgæft að það gerist,” segir Heimir Guðbjörnsson, fyrsti stýrimaður og afleysingaskipstjóri á Helgu Maríu AK en skipið kom til hafnar nú um helgina eftir 28 daga veiðiferð. Aflaverðmætið í túrnum er áætlað um 105 milljónir króna, en mesta áherslan var lögð á að veiða ýsu og ufsa, en ufsaveiðar hafa gengið frekar treglega frá áramótum.

Á heimasíðu HB Granda segir Heimir að það hafi ekki gengið of vel að finna ufsa í veiðanlegu magni en þetta hafi þó hafst á endanum. Heildaraflinn var rúmlega 100 tonn af ýsu og svipað magn af ufsa, en 130 tonn af þorski og litlu meira af karfa.

Í fyrstu var farið á Eldeyjarbanka og svokallaðri Belgableyðu sem er suður af bankanum. Þaðan var haldið norður á Kögurgrunn sem er vestur af Ísafjarðardjúpi. Síðan austur fyrir land á svokallað Digranesflak sem er út af Vopnafirði. Því næst í Berufjarðarál og þar segir Heimir að hafi verið nokkur ufsaveiði en þó ekki mikil. Þaðan var farið á Þórsbanka, sem er þekkt ufsasvæði en hringnum var lokað með því að sigla suður fyrir land og endað þar fjórum vikum eftir að sjóferðin hófst.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is