Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. maí. 2009 07:39

Bílaverkstæði býður reiðhjólaviðgerðir

Gert við í Bílabæ
Hálfdán Þórisson á bílaverkstæðinu Bílabæ í Borgarnesi hefur nú aukið við þjónustu verkstæðisins og býður viðskiptavinum upp á reiðhjólaviðgerðir ásamt viðgerðum á sláttuvélum og öðrum smávélum. “Ég fékkst við reiðhjólaviðgerðir fyrir nokkrum árum í bílskúrnum heima og það var talsvert að gera,” segir Hálfdán sem býst við að margir dragi fram reiðhjólin í sumar, ekki síst í ljósi ástandsins í þjóðfélaginu. Sama sé upp á teningnum með reiðhjólin og bílana. Nú borgi sig að gera við ýmsa hluti í stað þess að kaupa nýja. “Við vorum til dæmis alveg hættir að gera við alternatora og startara úr bílum. Það borgaði sig frekar að kaupa nýja. Núna eru þessu öfugt farið. Sama er með reiðhjólin. Það borgaði sig til dæmis að kaupa frekar nýja gjörð heldur en að teina upp þá gömlu.

Reiðhjól hafa líka hækkað mikið í verði þannig að ég býst við að fólk taki fram gömlu hjólin á ný. Ég er búinn að fá mann í vinnu sem ég ætla að þjálfa upp í reiðhjólaviðgerðirnar og auk þess hef ég meira pláss hérna á verkstæðinu þannig að það verður auðvelt að sinna þessu.” Hann segir bremsur og gíra vera það sem helst bili í reiðhjólum nú til dags. “Gírarnir eru viðkvæmir fyrir hnjaski, þannig ef að reiðhjól fellur í jörðina má búast við að stilla þurfi gírana.”

Hálfdán hefur rekið Bílabæ í tvö ár og segir vinnuna hafa verið jafna þann tíma. Nú býst hann jafnvel við að bílaviðgerðir aukist þegar minna er um að nýir bílar séu keyptir og þeir gömlu nýttir betur. Þá segir Hálfdán að erfitt hafi verið að fá bifvélavirkja til starfa á þenslutímanum en núna sé það auðveldara. Þrír til fjórir starfsmenn eru að jafnaði hjá Bílabæ í Borgarnesi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is