Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. maí. 2009 03:03

Samþykkt tillaga að nýju skólahúsi Heiðarskóla

Nýtt skólahús mun rísa austan núverandi skólahúsa
Á fundi sveitarstjórnar Hvalfjarðarsveitar í gær var samþykkt með fimm atkvæðum tillaga að nýrri skólabyggingu við Heiðarskóla. Einn greiddi atkvæði gegn tillögunni og annar sat hjá við afgreiðsluna. Fyrir fundinum lágu fjórar tillögur að úrfærslu nýs skólahúss, leiðir A, B, C og D. Undanfarið hefur hönnunarhópur unnið að útfærslum hugmynda í samræmi við bókun sveitarstjórnar frá 14. apríl síðastliðinn og var samþykkt að velja útfærsluleið sem merkt var D. Hún gerir ráð fyrir að byggð verði 1.892 fermetra bygging á tveimur hæðum með bröttum einhalla þökum og mun byggingin rísa vestan Tannakotslækjar og austan við núverandi skólahús. Kostnaður við bygginguna er áætlaður 688 milljónir króna.

Það var mat meirihluta sveitarstjórnar að með þessari tillögu sé sameinast um hagkvæmustu lausnina í skólabyggingu og vel útfært skipulag með spennandi kennslumöguleikum, eins og segir í bókun sveitarstjórnar. “Húsagerðin virðist falla vel að landslagi og umhverfi, staðsetning á lóð gefur góða möguleika á nýtingu núverandi aðkeyrslu og bílastæða sem er sérlega hagkvæmt. Möguleikar á stækkun skólahúss í framtíðinni eru góðir. Þá er skólalóðin rúm og gefur tækifæri til fjölbreyttrar útiveru og útikennslu.” Bókun þessi var samþykkt með 6 atkvæðum en Magnús Hannesson greiddi atkvæði gegn henni í sveitarstjórn.

 

Skessuhorn hafði samband við Studió Strik sem hannar bygginguna til að geta birt útlitsmynd af henni, en fékk þau svör að sökum þess að breytingar hafa nú nýlega verið gerðar verða slíkar útlitsteikningar ekki til fyrr en síðar í þessum mánuði.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is