Forsíða
Auglýsing
Rss straumur af fréttum frá Skessuhorni
Lágnætti. Þriðji Óðinsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. maí. 2009 09:02

Meta reynslu af menningarsamningum landsbyggðarinnar

Styrkþegar Menningarráðs Vesturlands í febrúar sl.
Þrjú ráðuneyti hafa frá árinu 2001 gert menningarsamninga við sjö samtök sveitarfélaga á Íslandi þar á meðal hér á Vesturlandi. Landið allt, utan höfuðborgarsvæðisins, er þannig tengt saman með menningasamningum og starfi sjö menningarráða. Samningarnir fela í sér markvissan stuðning ríkisins við menningarstarf og menningartengda ferðaþjónustu gegn mótframlagi sveitarfélaga og einkaaðila í héraði. Í þeim tilgangi að meta reynsluna af menningarsamningunum og huga að nýrri sókn í nýsköpun og nýtingu menningararfs landsins hafa menntamálaráðuneytið, iðnaðarráðuneytið og Samband íslenskra sveitarfélaga, í samstarfi við menningarráð landsbyggðarinnar, boðað til ráðstefnu á Hótel Stykkishólmi næstkomandi mánudag og þriðjudag. Allir sem á einn eða annan hátt tengjast menningarstarfi eða ferðamálum eru hvattur til að mæta á ráðstefnuna enda verða þær umræður sem þar fara fram grundvöllur að frekara samstarfi ríkis og sveitarfélaga um menningu og menningartengda ferðaþjónustu.

Á Markaðstorgi menningar á ráðstefnunni munu menningarráðin á landsbyggðinni kynna starfsemi sína og bjóða upp á nokkur atriði sem henni tengjast. Fjallað verður um reynsluna af menningarsamningunum og spurt hver árangur hafi orðið og hvert beri að stefna. Signý Ormarsdóttir menningarfulltrúi á Austurlandi og Dr. Guðrún Helgadóttir prófessor við Ferðamáladeild Háskólans á Hólum í Hjaltadal verða frummælendur og þátttakendur í pallborðsumræðum ásamt fulltrúum frá iðnaðar- og menntamálaráðuneyti. 

 

Meðal gesta sem flytja erindi á ráðstefnunni má nefna Jón Jónsson þjóðfræðing og ferðaþjónustubónda á Kirkjubóli á Ströndum, Dögg Mósesdóttur kvikmyndagerðarkonu, Viðar Hreinsson bókmenntafræðing, Hjálmar Sveinsson heimspeking og þáttagerðarmann á Rás 1, Sigríði Sigurjónsdóttur prófessor við hönnunar- og arkitektúrdeild Listaháskóli Íslands, Þór Sigfússon hagfræðing og forstjóra, Elísabetu Indru Ragnarsdóttur þáttargerðarmann á Rás 1, Svanhildi Konráðsdóttur formann Ferðamálaráðs og sviðsstjóra menningar- og ferðamálasviðs Reykjavíkurborgar, Sólveigu Ólafsdóttur sagnfræðing og verkefnastjóra hjá ReykjavíkurAkademíunni og Brynhildi Guðjónsdóttur leikkonu og leikskáld.

 

Hægt er að sjá dagskrá málþingsins í heild sinni inni á vef Ferðamálastofu þar sem einnig er hægt að skrá sig á ráðstefnuna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is