Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. maí. 2009 02:14

Nýr forstöðumaður Háskólaseturs Snæfellsness

Nýlega urðu mannaskipti í stjórnun Háskólaseturs Snæfellsness. Tómas G. Gunnarsson flutti sig um set á Hvolsvöll og stýrir nú Háskólasetri Suðurlands. Það kom í hlut Jóns Einars Jónssonar að taka við stöðu forstöðumanns Háskólaseturs Snæfellsness, en hann mun samt áfram sinna rannsóknum á æðarfugli við háskólasetrið. Aðrir starfsmenn Háskólaseturs Snæfellsness eru sem fyrr Una Kristín Pétursdóttir og Freydís Vigfúsdóttir. Freydís hefur verið í Bretlandi við nám í vetur en er væntanleg til að fylgjast með kríum og öðrum sjófuglum á Snæfellsnesi. Una hefur talið álftir í vetur auk þess að taka þátt í rannsóknarvinnu og sinna ýmsum sérverkefnum.

Þá er fleira á döfinni hjá háskólasetrinu varðandi rannsóknir á komandi sumri. Þórður Örn Kristjánsson hóf doktorsnám í varpvistfræði æðarfugls í janúar, en hann lauk mastersnámi um svipað efni frá HÍ 2008. Rannsóknir hans munu fara fram í Rifi og í Hvallátrum á Breiðafirði. Hákon Ásgeirsson nemi við LbhÍ mun vinna BS verkefni í Ritu á Snæfellsnesi í sumar í samstarfi við Freydísi og Jón Einar. Verður verkefnið unnið í samstarfi við Þjóðgarðinn Snæfellsjökul, þar sem Hákon starfar.

Þá er kanadískur BS nemi, Christine Chicoine, sem starfa mun við Háskólasetur Snæfellsness í maí og júní og taka átt í rannsóknarvinnu með starfsmönnum þess, m.a. á æðarfugli.  Christine verður þátttakandi í nýhöfnu rannsóknarsamstarfi Háskólasetursins við Magella Guillemette, sem er prófessor við Rimouski Háskóla í Quebec í Kanada. Guillemette er einn af fremstu sérfræðingum heims í atferli og lífeðlisfræði æðarfugls og hefur rannsakað tegundina áður í Danmörku og Norður Ameríku. Það verða því fimm manns á ferli við fuglarannsóknir á vegum Háskólaseturs Snæfellsness í sumar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is