Forsíða
Auglýsing
Rss straumur af fréttum frá Skessuhorni
Lágnætti. Fjórði Þórsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. maí. 2009 04:56

Óvænt úrslit hjá Vesturlandsliðunum í fyrstu umferð

Vart verður annað sagt en að óvænt úrslit hafi orðið í fyrstu umferð 1. deildar karlar í fótboltanum í dag. Skagamenn töpuðu fyrir norðan gegn Þór 3:0 eftir að norðanmenn höfðu verið yfir í hálfleik 2:0. Á sama tíma gerði hitt Vesturlandsliðið; Víkingur Ólafsvík sér lítið fyrir og lagði nafna sína í Víkinni í Reykjavík 2:1.

Í hálfleik í Víkinni benti fátt til þess að gestirnir úr Ólafsvík myndu krækja í mörg stig í leiknum þar sem þeir áttu mjög undir högg að sækja framan af og var Reykjavíkurliðið mun betra. Dæmið snerist hins vegar við í seinni hálfleiknum þrátt fyrir að gestgjafarnir næði forystu snemma með marki Grétars Ali Khan. Sóknarleikur Ólafsvíkinga var mun líflegri í seinni hálfleiknum og var það Brynjar Kristmundsson sem náði að jafna með góðu skoti af vítalínu á 63. mínútu leiksins. Víkingur Ó hafði öll tök á leiknum eftir jöfnunarmarkið og það kom ekki á óvart að Josip Marosevic skoraði sigurmarkið á markamínútunni frægu á 87. mínútu leiksins með skoti af stuttu færi.

 

 

Úrslit leiks Akurnesinga norður á Akureyri hlýtur að valda bæði leikmönnum og stuðningsmönnum liðsins vonbrigðum. Þetta sýnir og sannar að það verður ekki auðvelt verk að endurheimta sætið í úrvalsdeildinni.

 

Önnur úrslit dagsins voru þau að Afturelding sigraði Fjarðarbyggð 1:0. Klukkan 15 hófst síðasti leikur dagsins þar sem Selfoss tekur á móti KA. Umferðinni lýkur svo á morgun með leik HK og ÍR annars vegar og hins vegar leik Leiknis og Hauka.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is