Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. maí. 2009 10:05

Heldra líf á Bifröst í júní

Háskólinn á Bifröst hyggst bjóða heldri borgurum landsins upp á fimm daga dvöl á Bifröst í júní þar sem áhersla verður lögð á fræðslu, skemmtun og útivist í einstöku umhverfi skólans. Markmiðið er að þátttakendur njóti fjölbreyttrar dagskrár og fái fræðsluerindi og ráðgjöf um ýmis brýn málefni líðandi stundar. Boðið verður upp á fyrirlestra á degi hverjum og ráðgjöf um meðal annars fjármál. Færustu sérfræðingar munu fjalla um kosti og galla inngöngu Íslands í Evrópusambandið, um hvernig byggja megi réttlátara samfélag og framtíðarhorfur í íslensku efnahagslífi svo eitthvað sé nefnt.

Þar að auki verða skoðunarferðir um Borgarfjörð þar sem m.a. Reykholt og Landnámssetur Íslands verða heimsótt. Mikil áhersla verður lögð á fjölbreytta hreyfingu og útivist þar sem allir ættu að finna eitthvað við sitt hæfi, s.s. göngutúra, morgunleikfimi og golf á golfvellinum Glanna. Þar að auki verður boðið upp á kvöldvökur með samsöng og harmónikkudansleik í hátíðarsal skólans.

 

Þátttakendum mun standa til boða að nýta alla þjónustu háskólans, m.a. bókasafn, líkamsræktaraðstöðu og pottasvæði og kaffihús. Innifalið í þátttökugjöldum er gisting í stúdíóíbúðum og fullt fæði ásamt aðgangi að allri dagskrá og skoðunarferðum. Áhugasamir eru hvattir til að kynna sér möguleika á styrkjum hjá fræðslusjóðum stéttarfélaganna.

Skráning fer fram í síma 433-3000 eða á heimasíðu skólans www.bifrost.is. Allar nánari upplýsingar veitir Geirlaug Jóhannsdóttir í síma 433-3015 og 893-8960.

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is