Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. maí. 2009 11:35

Nemendur brautskráðir frá LbhÍ

Útskriftarnemar frá LbhÍ ásamt Ágústi rektor. Ljósm. ÁÞ
Alls brautskráðust 54 nemendur frá Landbúnaðarháskóla Íslands síðastliðinn föstudag. Athöfnin fór fram í Reykholtskirkju að viðstöddu fjölmenni. Þetta er fimmta vorið sem nemendur eru brautskráðir frá Landbúnaðarháskóla Íslands. Árið 2009 er mikið tímamótaár fyrir skólann, en nú eru 120 ár liðin frá því að fyrsti nemandinn innritaðist til náms á Hvanneyri sem markar upphaf skólastarfs á staðnum. Þá eru nú liðin 70 ár frá því að garðyrkjumenntun hóf göngu sína og markar þannig árið 1939 upphaf starfsins á Reykjum í Ölfusi þar sem höfuðstöðvar garðyrkjunáms eru. Þá eru í vor 60 ár liðin frá því að fyrstu búfræðikandídatarnir útskrifuðust en þann lærdómstitil báru háskólamenntaðir Hvanneyringar allt til ársins 1999.

Fjöldi viðurkenninga

Brautskráðir voru 21 búfræðingur. Davíð Logi Jónsson fékk viðurkenningu frá Búnaðarsamtökum Vesturlands fyrir góðan árangur í námsdvöl. Jóhannes Kristjánsson fékk viðurkenningu frá Landssambandi kúabænda fyrir góðan árangur í nautgriparækt. Hann fékk einnig viðurkenningu fyrir góðan árangur í hagfræðigreinum frá Hagþjónustu landbúnaðarins, viðurkenningu frá LbhÍ fyrir góða ástundun í skólanum og viðurkenningu frá Bændasamtökum Íslands fyrir góðan árangur á búfræðiprófi. Elín Anna Skúladóttir fékk viðurkenningu fyrir góðan árangur í sauðfjárrækt frá Landssamtökum sauðfjárbænda. Guðni Jensson fékk viðurkenningu frá Líflandi – Mjólkurfélagi Reykjavíkur fyrir góðan árangur í bútæknigreinum. Þóranna Másdóttir fékk viðurkenningu frá LbhÍ fyrir góða ástundun í skólanum.

Fimm brautskráðust með BS í búvísindum og einn í búvísindum með garðyrkjuáherslu frá auðlindadeild skólans. Úlfhildur Ída Helgadóttir fékk viðurkenningu frá Bændasamtökum Íslands fyrir bestan árangur á búvísindabraut. Hún fékk einnig viðurkenningu frá Hagþjónustu landbúnaðarins fyrir góðan árangur í rekstrar- og hagfræðigreinum.

Tíu brautskráðust með BS í náttúru- og umhverfisfræðum frá umhverfisdeild skólans. Berglind Ósk Þ. Þórólfsdóttir fékk viðurkenningu frá Náttúrufræðistofnun fyrir bestan árangur á BS prófi á Náttúru- og umhverfisbraut.

Magnús Þór Einarsson brautskráðist með BS á skógfræði- og landgræðslulínu. Hann fékk viðurkenningu fyrir góðan árangur frá Skógrækt ríkisins og Landgræðslu ríkisins.

Tíu brautskráðust með BS í umhverfisskipulagi. Félag íslenskra landslagsarkitekta veitti Lenu Rut Kristjánsdóttur viðurkenningu fyrir bestan árangur á umhverfisskipulagsbraut og Skipulagsfræðingafélag Íslands veitti henni viðurkenningu fyrir góðan árangur í skipulagsfögum.

Þá veitti skólinn sjálfur nokkrar viðurkenningar. Ásta Kristín Guðmundsdóttir og Halla Kjartansdóttir fengu viðurkenningar fyrir frábæran árangur í lokaverkefni á BS prófi en þær fengur báðar einkunnina 9,5. Lena Rut Kristjánsdóttir fékk viðurkenningu fyrir bestan árangur á BS prófi. Lena Rut hlaut einkunnina 8,86.

Að þessu sinni luku sex nemendur meistaranámi. Fjórir frá auðlindadeild og tveir frá umhverfisdeild. Félag íslenskra búfræðikandidata veitti Sherry Lynne Curl viðurkenningu fyrir góðan árangur á MS prófi en hún hlaut einkunnina 8,95.

 

Ræddi um sameiningu háskóla

Í ávarpi sínu fjallaði Ágúst Sigurðsson rektor m.a. um tillögur innlendra og erlendra sérfræðinganefnda um framtíð menntunar, rannsókna og nýsköpunar hér á landi og fýsileika sameiningar LbhÍ og Háskóla Íslands. “Hvað sem gert verður með þessi nefndarálit þá er að mínu viti algjörlega einboðið að samþætta þurfi starfsemi háskólanna og í öllu falli auka samvinnu þeirra. Þessi vinna er hafin fyrir allnokkru hvað varðar LbhÍ en nú er í gangi nefndarstarf til að meta fýsileika þess að samþætta starfsemi LbhÍ og Háskóla Íslands. Reiknað er með niðurstöðu í þeim efnum innan fárra vikna. Ljóst er að slíkum hugmyndum fylgja kostir og gallar og margt sem þarf að ganga upp en næðist að útfæra slíka sameiningu með sannfærandi hætti er ljóst í mínum huga að þarna geta legið gríðarleg tækifæri til framþróunar fyrir báða skóla og til heilla fyrir Íslenska þjóð,” sagði Ágúst.

 

Ræða Ágústar er birt í heild sinni á vefnum www.lbhi.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is