Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. júní. 2009 02:19

Líkur á sameiningu trésmiðja á Akranesi og Ísafirði

„Ég er að vonast til að niðurstaða úr þessum viðræðum liggi fyrir eftir nokkra daga og þá verði hægt að skrifa undir. Í þessum viðræðum hefur verið þróuð sú hugmynd að starfsemi fyrirtækjanna haldi áfram á báðum stöðum. Fyrirtækin eru í nákvæmlega sömu framleiðslunni og tækjakostur er mjög svipaður,“ segir Eiríkur Finnur Greipsson framkvæmdastjóri TH á Ísafirði, en sterkar líkur eru á að sú trésmiðjan sameinist Trésmiðju Þráins Gíslasonar á Akranesi á næstu dögum, eða hreinlega taki yfir rekstur trésmiðjunnar á Akranesi.  Trésmiðja Þráins Gíslasonar hefur átt í rekstrarerfiðleikum um tíma eins og mörg byggingafyrirtæki í landinu og verið í greiðslustöðvun undanfarið. Í greiðslustöðvuninni hafa átt sér stað umleitanir milli stjórnenda TÞG og TH á Ísafirði, sem áður var staðsett í Hnífsdal og hét þá Trésmiðjan Hnífsdal.

Nafn fyrirtækisins var stytt við flutning til Ísafjarðar árið 2006 en það er 51 árs gamalt og þar af leiðandi með elstu byggingafyrirtækjum á Íslandi.

 

Fyrirtækin eru bæði í framleiðslu á innréttingum og sérsmíði innanhúss. Hjá TH starfa um 15 manns, en í dag vinna 18 manns hjá TÞG, en þar störfuðu allt upp í 45 manns þegar best lét árið 2007.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is