Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. júní. 2009 11:03

Viðunandi niðurstaða í ársreikningi Dalabyggðar miðað við árferði

Ársreikningur Dalabyggðar fyrir árið 2008 var til fyrri umræðu í sveitarstjórn í gær. Önnur umræða mun fara fram næstkomandi fimmtudag.  Helstu niðurstöður reikningsins eru að A-hluti samstæðunnar var rekinn með 28,8 m.kr. rekstrarafgangi fyrir fjármagnsgjöld en þau voru 31,5 m.kr. á árinu. Niðurstaðan er því 2,7 m.kr. halli.  Rekstrartekjur Dalabyggðar á árinu 2008 af samstæðunni voru 589,8 m.kr. en áætlanir gerðu ráð fyrir 526 m.kr. Rekstrartekjur A-hluta voru 493,3 m.kr. Rekstrargjöld samstæðunnar voru 568,0 m.kr. og því var rekstrarniðurstaða samstæðunnar jákvæð fyrir fjármagnsgjöld um 21,8 m.kr. Rekstur samstæðunnar var því neikvæður um 20,2 m.kr. á árinu 2008. Endurskoðuð fjárhagsáætlun ársins gerði ráð fyrir 28,4 m.kr. halla á rekstri samstæðunnar.

Í samantekt Gríms Atlasonar sveitarstjóra um ársreikninginn segir m.a. að 5,3 m.kr. afgangur hafi verið á rekstri vatnsveitunnar á árinu. Halli var um 1,1 m.kr. á fráveitumannvirkjum. 17,1 m.kr. halli var á rekstri Silfurtúns en gert hafði verið ráð fyrir 10,1 m.kr. halla. Félagslegar íbúðir skiluðu 4,6 m.kr. halla í rekstri.

 

Heildarskuldir og skuldbindingar samkvæmt efnahagsreikningi námu 335,6 m.kr. í árslok 2008 fyrir A og B hluta, samanborið við 327,1 m.kr. í árslok 2007. Breyting á milli ára er 2,6%. Lífeyrisskuldbinding hækkar um alls 25,9% á milli ára. Langtímaskuldir námu alls 208,6 m.kr. hjá A og B hluta. Skammtímaskuldir námu 79,5 m.kr. í árslok 2008 hjá A og B hluta samanborið við 63,2 m.kr. árið áður og nemur hækkunin alls 25,9% á milli ára. Gengistryggð lán námu samtals 19,0 m.kr. í árslok 2008.

 

Skuldir og skuldbindingar hækkuðu úr 327,1 m.kr. í 335,6 m.kr. á milli ára. Skuldir og skuldbindingar á hvern íbúa eru 471,4 þús.kr. Handbært fé í ársbyrjun 2008 var 91,0 m.kr. en var 48,9 m.kr. í árslok. Veltufé frá rekstri var 46,2 m.kr. Fastafjármunir hækka úr 431,2 m.kr. í 455,5 m.kr.

 

Fjárfestingar

Brúttó fjárfestingar sveitarfélagsins á árinu námu 96,1 m.kr. og munar þar mestu um nýjan leikskóla en fjárfesting ársins vegna hans nam rúmlega 73,3 m.kr. Fjárfesting ársins vegna Leifssafns nam 6,3 m.kr. Ráðist var í viðhald í Tjarnarlundi fyrir 9 m.kr. Framlög jöfnunarsjóðs vegna leikskólabyggingar námu 16.5 m.kr. og framlag ríkisins vegna Leifssafns nam 20,0 m.kr. Nettó fjárfestingar ársins voru því 59,2 m.kr.

Afborganir langtímalána námu 50,8 m.kr. en engin ný langtímalán voru tekin á árinu 2008.

 

Jöfnunarsjóður vegur þungt

“Niðurstaða ársins er viðunandi miðað við árferði. Rekstur A-hlutans fyrir fjármagnsliði er jákvæður um tæpar 28,9 m.kr. og staða lána og samsetning þeirra er vel ásættanleg þó vissulega hafi gengismunur og vísitöluhækkanir haft talsverð áhrif á niðurstöðuna. Hallarekstur ársins má fyrst og fremst rekja til fjármagnsgjalda, einkum gengismunar og verðbóta, hækkunar lífeyrisskuldbindingar, aukins rekstrarkostnaðar í kjölfar efnahagshrunsins, hallareksturs Silfurtúns og ófyrirséðra rekstrarútgjalda á skrifstofu sveitarfélagsins m.a. vegna ráðningar sveitarstjóra og bókara. Einnig voru ófyrirséð útgjöld eins og samningur við Nýsi, sem kostaði sveitarfélagið 4 m.kr., og kaup á minjagripum til endursölu fyrir um 1. m.kr.,” segir Grímur Atlason sveitarstjóri í samantekt sem hann gerði um ársreikning Dalabyggðar.

 

Grímur segir að það sé ljóst að sveitarfélagið verði að leita leiða til þess að jafna viðvarandi hallarekstur Silfurtúns. Jafnframt þurfi að endurskoða alla rekstrarþætti sveitarfélagsins enda þjóðhagsspá sveitarfélaginu óhagstæð til næstu 2-3 ára. “Gera má ráð fyrir allt að 13% samdrætti í tekjum úr jöfnunarsjóði á árinu. Jöfnunarsjóður telur nær helming tekna Dalabyggðar á ársgrundvelli þannig að samdráttur þar hefur umtalsvert að segja fyrir rekstur sveitarfélagsins. Endurskoðun fjárhagsáætlunar stendur yfir en við núverandi aðstæður í efnahagsmálum þjóðarinnar er sú vinna alltaf í gangi,” segir Grímur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is