Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. júní. 2009 10:03

Sjómenn heiðraðir á sjómannadaginn

Örn Hjörleifsson var heiðraður á Hellissandi. Hér er hann ásamt konu sinni Ingigerði Jónsdóttur. 
Samkvæmt venju voru sjómenn heiðraðir fyrir störf sín á sjómannadaginn sem haldinn var hátíðlegur um liðna helgi í sjávarplássum landsins. Í Ólafsvík var Sólbjartur Júlíusson sjómaður heiðraður fyrir áratuga störf á sjó, við hátíðarhöld sjómannadagsins, sem fram fóru í Sjómannagarðinum í Ólafsvík á sunnudag. Þar var lagður blómsveigur að styttu sjómanna, Runólfur Guðmundsson frá Grundarfirði flutti ræðu, veitt voru verðlaun fyrir keppnisgreinar sjómanndags og tónlistaratriði voru flutt.  Á Akranesi voru þrír sjómenn heiðraðir við sjómannamessu í Akraneskirkju á sjómannadaginn. Þetta eru þeir Kristján Pétursson fyrrum skipstjóri á skipum HB til áratuga, Þorvaldur Guðmundsson, skipstjóri, sem framan af var skipstjóri á skipum HB og síðustu áratugina á Akraborginni. Sá þriðji var Stefán Lárus Pálsson, sem í áratugi var stýrimaður og skipstjóri á fiskiskipum frá Akranesi.

Grundarfjörður

Hjónin Móses Geirmundsson og Dóra Haraldsdóttir voru heiðruð við hátíðarhöld sjómanndagsins í Grundarfirði. Móses hefur í 27 ár verið verkstjóri hjá Guðmundi Runólfssyni sem aðallega framleiðir frosinn fisk en þar áður var hann í 23 ár til sjós. Hann hóf sjósókn árið 1958.

 

Hellissandur

Örn Hjörleifsson sjómaður var heiðraður við hátíðarhöld í sjómanngarðinum á Hellissandi. Örn er fæddur árið 1939 og ólst upp á Akranesi. Hann byrjaði sjómennsku 17 ára gamall með Garðari Finnssyni frænda sínum á Höfrungi AK. Hann var síðan háseti og stýrimaður á Akranesi og varð fyrst skipstjóri á Sigurði AK haustið 1964. Síðan lá leiða Arnar að Hellnum þar sem hann reri á trillu í 13 sumur en flutti sig til Hellissands 1978 og var þar skipstjóri á Tjaldi SH í fimm ár og svo með eigin útgerð til ársin 2000. Örn er nú búsettur á Ytri-Skeljabrekku í Borgarbyggð.

 

Stykkishólmur

Tveir voru heiðraðir við sjómannamessu í Stykkishólmi á Sjómannadaginn. Þetta eru þeir Kristján Lárentínusson, skipstjóri til margra ár og Sigurður Amilin Kristjánsson sjómaður og vélsmiður hjá Skipavík.

 

Sjá myndir frá Sjómannadags hátíðarhöldum hér og þar í Skessuhorni vikunnar sem kemur út í dag.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is