Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. júní. 2009 02:32

Sprotafyrirtæki styrkir Ólympíufara

Svo virðist sem að rætast sé úr styrkjamálum Ingólfs Eðvarðssonar, ungs Akurnesings, sem er á leiðinni á Ólympíuleikana í stærðfræði í Þýskalandi í næsta mánuði. Í viðtali við Ingólf í Skessuhorni fyrir skömmu kom fram að honum gengi erfiðlega að afla styrkja til að vega upp gríðarlegt vinnutap í sumar vegna tímafreks undirbúnings keppninnar. Nú hefur Akraneskaupstaður stutt við Ingólf en auk þess hefur gengið til liðs við hann ungt fyrirtæki á Skaganum, ritari.is, sem vaxið hefur mjög fiskur um hrygg í kreppunni að undanförnu. „Með þessu viljum við hvetja önnur fyrirtæki til að gera slíkt hið sama, hér er svo sannarlega framtíðar snillingur á ferð sem Skagamenn ættu að vera stoltir af,“ segir Eyjólfur Stefánsson framkvæmdastjóri ritari.is

Fyrirtækið starfar á sviði skrifstofuþjónustu, m.a. tengdu bókhaldi, símsvörun og úthringiþjónustu. Eyjólfur segir að vel hafi gengið að undanförnu. „Verkefnastaðan er góð og við finnum fyrir miklum áhuga á okkar þjónustum í kreppunni, það er augljóst að fyrirtæki eru þessa dagana að leita að leiðum til sparnaðar. Lítil sprotafyrirtæki og einyrkjafyrirtæki eru byrjuð að skjóta upp kollinum og þjónusta okkar hafa fallið vel í kramið þar sem þær stuðla að hagræðingu í rekstri. Við horfum björtum augum fram á veginn og ánægð til baka þar sem við höfum nánast tvöfaldað reksturinn síðustu fjóra mánuði. Stærsti hluti okkar tekna kemur vegna þjónustu við fyrirtæki utan Akraness.“  Eyjólfur segir að hjá ritari.is séu sjö manns á launaskrá í dagvinnu, sem telur samtals um 4,5 stöðugildi. „Einnig erum við með um 12 manns í kvöldvinnu í úthringiveri okkar.  Við munum ekkert slá af á þessu ári og sækjum markvisst út á markaðinn,“ segir Eyjólfur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is