Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. júní. 2009 09:06

Atvinnuátaksverkefni hafið við skógrækt

Hafið er atvinnuátaksverkefni í skógrækt á vegum Skógræktarfélags Íslands með tilstyrk ríkisins og í samvinnu við sveitarfélög og skógræktarfélög í landinu. Skapa á með þessu 220 ársverk á landsvísu og fara örfá þeirra hingað á Vesturland þar sem 3 ársverk verða til á vegum Skógræktarfélags Borgarfjarðar og þrjú og hálft á vegum skógræktarfélaga Skilmannahrepps og Akraness.  Þrettán unglingar eru byrjaðir störf í skógarreit Skógræktarfélags Skilmannahrepps við Fannahlíð í Hvalfjarðarsveit og á næstu dögum hefja átta ungmenni störf á vegum Skógræktarfélags Akraness. Unnið er sjö tíma á dag og stendur verkefnið yfir í tvo mánuði. Bjarni Þóroddsson, formaður félaganna, segir að við Fannahlíð verði grisjað og plantað blágreni, furu og birki auk þess að haldið verði áfram stígagerð sem vel sé á veg komin. Á Akranesi verður unnið á svæði sem Skógræktarfélagi Akraness hefur verið úthlutað meðfram þjóðveginum við Miðvogslæk.

Þar verður unnið við skjólbelti og plöntun. Þá verður unnið við stígagerð í Slögu í hlíðum Akrafjalls. Bæjarráð Akraness hefur samþykkt samning bæjarins við Skógræktarfélag Íslands um þetta átaksverkefni með fyrirvara um að framlag fáist frá Vinnumálastofnun. Sveitarstjórn Hvalfjarðarsveitar hefur líka samþykkt aðild sína að verkefninu.

 

Borgarbyggð tekur líka myndarlega þátt í þessu verkefni en sveitarfélagið greiðir laun umfram atvinnuleysisbætur til 8-10 ungmenna sem þegar hafa byrjað störf. Það er Skógræktarfélag Borgarfjarðar sem hefur umsjón með verkefninu sem fer að mestu fram í Einkunnum, Reykholti og í Daníelslundi. Að sögn Friðriks Aspelunds skógfræðings er það Skógræktarfélag Íslands sem greiðir efniskostnað, svo sem plöntur, verkfæri auk flutnings fólks á milli staða. Samtals verða þrjú ársverk í verkefninu á vegum Skógræktarfélags Borgarfjarðar, eða 36 mannmánuðir sem 8-10 ungmenni skipta á milli sín í sumar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is