Myndin er frá því örninn var handsamaður. Ljósm. nsv.is

Um miðjan þennan mánuð var sagt frá því þegar ársgamall grútarblautur örn var handsamaður á Snæfellsnesi. Í frétta á heimasíðu Náttúrustofu Vesturlands er sagt frá því að undanfarna daga hafi örninn dvalið í Húsdýragarðinum þar sem hann var þveginn, losaður við grútinn og gefið að éta en hann hreifst helst af niðurskornum nautahjörtum. Í gær var erninum síðan sleppt í Helgafellssveit. Hann var kraftmikill að sjá og tók flugið um leið og tækifæri gafst. Hann sveimaði í nokkurn tíma um svæðið áður en hann settist um stund einn til tvo kílómetra frá sleppingarstað. Björgunin virðist því hafa borið góðan árangur.