Árið 2003 samþykkti ríkisstjórnin sérstaka 700 m.kr. fjárveitingu til atvinnuþróunarverkefna og úthlutaði Byggðastofnun 150 milljónum króna af þeirri fjárveitingu í verkefnastyrki. Alls voru veittir styrkir til 43ja verkefna og um síðustu áramót var lokið samningstíma flestra þeirra. Af þessum verkefnum var um 17% af Vesturlandi. Nú hefur verið tekin saman greinargerð um sjóðinn og þau verkefni sem styrkt voru. Umsóknir sem sjóðnum bárust voru 90 talsins og voru 48 þeirra samþykktar. Af þessum 48 verkefnahugmyndum sem sótt var um styrk til urðu 43 að veruleika. Stór hluti styrkjanna rann til rannsókna, menntunar og til verkefna sem snerust um samstarf og klasa. Skipting milli landshluta var nokkuð jöfn, að öðru leyti en því að fæst verkefnanna voru staðsett á Suðurlandi.