Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. júlí. 2009 12:12

Saumastofan Klæðskerameistarinn opnuð í Borgarnesi

„Ég hef fengið mjög góð viðbrögð eftir að ég opnaði. Fólk er mjög ánægt með góðu fréttirnar og þakklátt fyrir að fá þessa þjónustu á staðinn,“ segir Eva Lára Vilhjálmsdóttir klæðskerameistari sem opnaði á dögunum saumastofuna Klæðskerameistarann í Borgarnesi. Hún er til húsa að Borgarbraut 61, í þeirri hlið hússins sem er fjær götunni. „Alveg frá því ég fór í Iðnskólann í Reykjavík til að læra iðnina fyrir tíu árum, hefur það blundað í mér að koma heim og opna saumastofu,“ segir Eva Lára sem ætlar að sinna öllu sem viðkemur saumaskap; sauma klæðnað að óskum fólks, annast viðgerðir og breytingar á fatnaði, auk þess sem hún hefur hug á því að hanna fatnað og skapa sína eigin línu. Eva Lára segist koma heim reynslunni ríkari eftir að hafa unnið á saumastofum í Reykjavík efir að hún lauk námi í Iðnskólanum. Síðustu tvo vetur hefur hún verið í meistaranámi og fékk einmitt meistarabréfið afhent fyrir um það bil mánuði síðan.

„Ég vann um tíma á brúðarkjólaleigu. Á tímabili starfaði ég hjá saumstofu sem hét Fasaföt, við að sníða föt og við mátun. Þessi saumstofa sérhæfði sig í einkennisklæðnaði, svo sem fyrir starfsfólk í flugi og lögregluna. Þegar Fasaföt fór á hausinn var ég í beinu framhaldi ráðinn til 66 gráður Norður, sem tóku við því að sauma á lögregluna. Ég hélt því áfram að ferðast um allt land til að taka mál og sjá um mátun fatnaðar á lögregluþjóna. Ég var einmitt að grínast með það að ég væri búin að taka utan um lögreglumenn um allt land og það er mikið búið að hlæja af því.“

 

Fyrst um sinn mun Eva Lára starfa ein á saumastofunni og opnunartíminn til að byrja með verður frá klukkan 13-16 virka daga.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is