Nýlega var opnuð formlega keramik vinnustofa á Akranesi. Það var María Kristín Óskarsdóttir sem nýtti Írsku daga helgina til að opna stofuna í kjallara hússins við Stekkjarholt 5. Vinnustofuna, sem er um leið lítið gallerí, kallar María Kristín, Leiranda. Þar gerir hún ýmsa nytjahluti úr keramiki, svo sem bolla og könnur auk skúlptúra.  „Ég var mjög ánægð með aðsóknina og jákvæð viðbrögð fólks á opnunarhelginni. Það komu til dæmis um 100 manns til mín á laugardeginum.  Margir voru hissa á þeim hlutum sem ég er með, bjuggust við þessum klassíska englum og gylltu skálum. Ég ætla samt að fara rólega af stað, hef ekki ennþá ákveðið reglulegan opnunartíma hluta dagsins, en ætla að gera það fljótlega. Ég held að það sem ég er að vinna í keramikinu sé ágætt til að breikka flóruna í bænum.“

Nánar er rætt við Maríu Kristínu í Skessuhorni vikunnar.