Forsíða
Auglýsing
Rss straumur af fréttum frá Skessuhorni
Miðaftann. Fjórði Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. júlí. 2009 09:48

Eldur kviknaði undir palli sumarbústaðar

Munaðarnes.
Ljósm. Mats Wibe Lund
Eldur var laus í einum af sumarbústöðum BSRB í Munaðarnesi í Borgarfirði laust fyrir klukkan sex í morgun. Snögg viðbrögð húsráðanda og slökkviliðs forðuðu miklu tjóni. Fimm manna fjölskylda var í bústaðnum, þar af tvö börn, en fólkið vaknaði við reykskynjara. Húsráðanda tókst að hafa hemil á eldinum, þar til slökkvilið kom, með því að ausa vatni úr heitum potti sem var tvo metra frá húsinu og nota tiltækt slökkvitæki sem reyndar þurfti að fá úr næsta húsi þar sem slökkvitæki var ekki til staðar í húsinu sem eldurinn kom upp í.

Slökkvilið Borgarbyggðar var fljótt á staðinn og var búið að ráða niðurlögum eldsins hálftíma eftir að tilkynning barst. Að sögn lögreglunnar í Borgarnesi er mildi að ekki fór verr. Skjót viðbrögð húsráðanda og mikill viðbragðsflýtir slökkviliðs hafi skipt sköpum. Að sögn Bjarna Kr. Þorsteinssonar slökkviliðsstjóra er greinilegt að eldurinn kviknaði undir sólpallinum við dyrnar út á veröndina. Bústaðurinn er nokkuð skemmdur, veröndin illa farin sem og hurðin. Einhverjar skemmdir urðu innandyra en þar þurfti að reykræsta. Ekki liggur fyrir hvernig eldurinn kviknaði, en talið er útilokað að hann hafi orsakast af sjálfsíkveikju vegna þurrka undanfarið. Málið er í rannsókn. Slökkviliðsstjóri telur mjög ámælisvert að ekki hafi verið slökkvitæki í bústaðnum, hverjum sem um er að kenna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is