Forsíða
Auglýsing
Rss straumur af fréttum frá Skessuhorni
Miðaftann. Fjórði Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. júlí. 2009 11:05

Sumarhátíð Kaupfélagsins í Borgarnesi á morgun

Mikið verður um að vera í og við verslun Kaupfélags Borgfirðinga að Egilsbraut 1 í Borgarnesi á morgun, laugardag. Þá verður haldin sumarhátíð þar og blásið til veislu. Margrét K. Guðnadóttir verslunarstjóri segir slíka hátíð hafa verið haldna í fyrra og þá hafi tekist vel til. “Það mættu hingað um þúsund manns og þetta tókst svo vel að við ákváðum að gera þetta að árlegum viðburði. Margt verður á dagskránni og fjölmörg fyrirtæki og bændur bjóða gestum að smakka á sínum afurðum. Það má nefna þá sem eru þátttakendur í beint frá býli eins og Mýranaut á Leirulæk á Mýrum sem býður smökkun á nautakjöti og Rjómabúið á Erpsstöðum í Dölum sem kynnir ísinn sinn; Kjaftæði. Svo verður Mjólkursamsalan að kynna vörur sínar og bjóða smökkun, Poulsen er með fjölbreytta vörukynningu og býður viðstöddum upp á gos og Fóðurblandan býður upp pylsurnar um leið og hún kynnir sínar vörur. Flugger er svo með eftirréttinn og býður upp á ís,” segir Margrét.

 

 

Búnaðarfélag Mýramanna ætlar að skemmta sér og öðrum og keppt verður í hornstaurakasti. Öllum er frjáls þátttaka í keppninni og tveir hornstaurar verða í verðlaun. Meðan allt fer fram er harmonikkuleikur á planinu við verslunina og einnig verða geitur, kýr, kálfar, hænur, heimalningar og kanínur til sýnis. Allskonar tilboð eru í gangi í versluninni og sölubásar settir upp. Herlegheitin standa yfir frá klukkan 10 til 16.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is