Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. ágúst. 2009 07:24

Dalir - hólar - handverk

Gamla skólahúsið í Ólafsdal
Dalir - hólar - handverk er sýningarverkefni í Dölum, við Breiðafjörð og á Ströndum sem stuðlar að samstarfi milli heimafólks og aðkominna um handverk og listir. Sýningin verður opnuð sunnudaginn 9. ágúst á fjórum stöðum og lýkur henni 30. ágúst. “Kveikja sýningarinnar er löngun til að taka þátt í mannlífi svæðisins, varpa ljósi á menningarverðmæti, efna til samstarfs við heimafólk og hvetja gesti til könnunar á umhverfi og menningu á Vesturlandi og á Vestfjörðum,” segir í tilkynningu frá aðstandendum sýningarinnar. Sýningin fer þannig fram á 4 stöðum: í húsi gamla Landbúnaðarskólans í Ólafsdal, á Sauðfjársetrinu í Sævangi við Steingrímsfjörð, í Byggðasafni Dalamanna að Laugum í Sælingsdal og í Bátasafni Breiðafjarðar, Reykhólum.

Sýningin leiðir gesti um svæðið með því að staðsetja verk sýningarinnar á fjórum stöðum og prenta leiðakort - sem jafnframt er sýningarskrá. Verkefnið er samvinnuverkefni sem tengir listir, handverk og byggðarlög og stuðlar að auknu samstarfi milli heimafólks og aðkomufólks, einstaklinga og menningastofnana á Vestfjörðum, Vesturlandi og víðar.

Opnunartími er frá kl. 14 til 18 alla daga. Náttúra og menning svæðisins er uppspretta verkanna sem eru á sýningunni og er skólahús gamla landbúnaðarskólans í Ólafsdal og umhverfi hans útgangspunktur sýningarinnar. Skólinn var á mörkum þeirra þriggja sýslna sem sýningin spannar og naut stuðnings sveitanna í kring á öndvegisdögum sínum. Vegna þessa var ákveðið að nýta húsið sem þungamiðju sýningarinnar og tengja þaðan í lykilstaði í nágrannasveitarfélögum.

 

Höfundar verka á sýningunni eru: Aðalsteinn Valdimarsson, Ásdís Thoroddsen/Hálfdán Theódórsson, Guðjón Ketilsson, Guðjón Kristinsson, Hannes Lárusson, Hafsteinn, Hildur Bjarnadóttir, Hlynur Helgason, Rúnar Karlsson, Sólveig Aðalsteinsdóttir, Unnar Auðarson og Þóra Sigurðardóttir. Menningarráð Vesturlands og Menningarráð Vestfjarða styrkja viðburðinn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is