Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. ágúst. 2009 02:19

Skrúður í Dýrafirði á 100 ára afmæli á morgun

Skrúðgarðurinn Skrúður í Dýrafirði á aldarafmæli á morgun. Sérstaða Skrúðs umfram aðra garða er ekki síst tengd tilurð og tilgangi hans, en í upphafi var hann hugsaður sem kennslugarður fyrir nemendur á Núpi. Stofnandi Skrúðs var séra Sigtryggur Guðlaugsson. Hann tíundaði mikilvægi ræktunar garðjurta til fæðubótar og heilbrigðis. Segja má að sú hugsun hafi á þeim tíma verið langt á undan samtímanum. Í garðinum eru kjálkabein af einni stærstu steypireyði sem hefur verið fönguð (árið 1892) við Ísland. Unnið verður að því að koma beinunum til varanlegrar varðveislu og verða yngri bein sett upp í staðinn. Efnt verður til sérstakrar hátíðar í garðinum laugardaginn 8. ágúst. klukkan 14-17. Hátíðarhöldin eru fjölbreytt og í anda þeirra hugmynda og gilda sem garðurinn Skrúður hefur staðið fyrir í 100 ár og eru allir velkomnir.

Ísland státar ekki af mörgum almenningsgörðum frá þessum tíma, hvorki stórum né íburðarmiklum. Því er mikilvægt að þeim fáu görðum sem til eru sé vel sinnt, þeir njóti verðugrar umhirðu og sögu þeirra sé gerð skil og henni haldið á lofti.

 

Reynslan sýnir, bæði hérlendis og erlendis, að garðar eru eitt mesta aðdráttarafl  ferðamanna. Einstök staðsetning Skrúðs, í náttúru snarbrattra fjallshlíða Dýrafjarðar, kemur mörgum á óvart. Það var líka ætlun stofnandans á sínum tíma að sanna það hvað hægt væri að rækta í hrjóstrugum jarðvegi við þessar aðstæður. Árangurinn vekur svo sannarlega aðdáun og forvitni margra.

 

Um leið eykur Skrúður á fjölbreytni þeirra valmöguleika sem ferðamenn eiga kost á að skoða og upplifa á Vestfjörðum og er því afar mikilvæg viðbót við aðra áhugaverða áfangastaði og valkosti svæðisins.  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is