Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. ágúst. 2009 11:07

Þrjár reglugerðir undirritaðar vegna fiskveiðstjórnunarinnar

Jón Bjarnason, sjávarútvegs- og landbúnaðarráðherra undirritaði nýlega þrjár reglugerðir: Reglugerð um veiðar í atvinnuskyni fiskveiðiárið 2009-2010, reglugerð um sérstaka úthlutun til skel- og rækjubáta og reglugerð um línuívilnun. Í reglugerð um veiðar í atvinnuskyni á næsta fiskveiðiári eru tilgreindar aflaheimildir í einstökum tegundum, sem úthlutað verður á grundvelli aflahlutdeildar eða krókaaflahlutdeildar skips.  Fram kemur í 2. gr. reglugerðarinnar hversu mikið kemur til úthlutunar þegar frá hafa verið dregnar þær aflaheimildir sem ráðstafað verður samkvæmt sérstökum heimildum í lögum um stjórn fiskveiða: 

Sérstakar heimildir:

 

1.         Til eflingar sjávarbyggðum með úthlutun byggðakvóta, en ráðherra hefur ákveðið að úthluta til byggðakvóta 3.885 tonnum, en með þeirri úthlutun hefur verið ákveðið að skerða ekki byggðakvótann að hluta líkt og gert var á núgildandi fiskveiðistjórnunarári fyrir strandveiðar.

 

2.         Til stuðnings skel- og rækjubátum sem orðið hafa fyrir verulegri skerðingu aflaheimilda. Úthlutunin er óbreytt frá þessu ári en hér er vísað til þess að nú er að hefjast endurskoðun fiskveiðistjórnunarkerfisins og hlýtur þessi þáttur að koma til endurskoðunar líkt og svo margt annað.

 

3.         Til línuívilnunar en 500 tonnum af ýsu er nú ráðstafað umfram síðasta ár til hennar. Fram hefur komið að línuívilnun er fyrirkomulag sem þykir hafa í aðalatriðum tekist vel og er atvinnuskapandi.  Rétt þykir því að auka vægi hennar nokkuð.

Samtals nema þær heimildir sem hér er um að ræða 10.473 þorskígildislestum.

 

Að öðru leyti er ekki um að ræða breytingar hvað þetta varðar í reglugerð um veiðar í atvinnuskyni frá síðasta fiskveiðiári.

 

Reglugerðirnar má sjá á heimasíðu ráðuneytisins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is