Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. ágúst. 2009 04:03

Á annað hundrað hafa greinst með H1N1

Nú í dag hafa 101 greinst með sjúkdóminn H1N1, eða svínaflensuna svokölluðu. Ekki er vitað til þess að þeir sem hafa sýkst hafi fengið alvarleg einkenni, samkvæmt upplýsingum frá Landlæknisembættinu. Alls hafa 55 karlar smitast og 46 konur. Flestir sem hafa smitast eru á aldrinum 15 til 19 ára. Sá yngsti sem smitast hefur er fjögurra ára. Flest smit hafa greinst á höfuðborgarsvæðinu. Flensan hefur greinst víða um land og hér á Vesturlandi greindist hún fyrir síðustu mánaðamót á Akranesi. Enn sem komið er hafa engin skráð tilfelli verið staðfest á Vestfjörðum eða á Suðurlandi.

Á heimasíðu Sjúkrahúss Akraness segir að ástæða sé til að brýna fyrir fólki að hafa samband símleiðis við heilsugæslulækna til að fá upplýsingar, sé grunur um inflúensu. Sérstaklega er fólk með inflúensulík einkenni svo sem hósta, hálsbólgu, hita og beinverki, beðið um að koma ekki inn á stofnunina, nema ráðfæra sig fyrst símleiðis við heilbrigðisstarfsfólk.

„Minnt skal á veffangið www.influensa.is en þar er að finna gagnlegar upplýsingar fyrir almenning um sjúkdóminn. Fólk sem hefur einkenni um influensu er hvatt til að halda sig heima í eina viku frá upphafi veikinda eða þar til yfirgnæfandi líkur eru á að það geti ekki smitað aðra.  Ekki þykir ástæða til að setja fólk í sóttkví, sem umgengist hefur sjúkling með inflúensu en er einkennalaust sjálft. Hreinlæti í daglegu lífi er áhrifaríkasta ráðstöfun almennings til að forðast inflúensusmit, þ.e. handþvottur með sápu eða spritti,“ segir ennfremur á www.sha.is.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is