Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. september. 2009 04:26

Segja samkeppnisaðilann stunda undirboð

„Sementsverksmiðjan gerir að sjálfsögðu enga athugasemd við þátttöku Aalborg Portland á íslenskum samkeppnismarkaði svo fremi sem fyrirtækið virði heiðarlega viðskiptahætti. Á það skortir verulega,“ segir í yfirlýsingu frá Gunnari H. Sigurðssyni framkvæmdastjóra Sementsverksmiðunnar sem hann sendi í dag til Viðskiptaráðs vegna tilkynningar ráðsins 27. ágúst sl. sem var undir yfirskriftinni: „Virk samkeppni grundvöllur endurreisnar.“ Í yfirlýsingunni birtir Gunnar töflu yfir verðþróun á sementi frá Aalborg Portland á níu ára tímabili, frá 2000 til 2008. Taflan sýnir að sementsverð til Íslands er aðeins um helmingur verðsins í Danmörku og vekur 9 prósenta lækkun á tímabilinu sem hér um ræðir sérstaka athygli. Á sama tímabili hækkaði sementsverð Aalborg Portland um 33 prósent, sem Gunnar segir að sé í samræmi við almenna verðlagsþróun á mörkuðum ytra og vegna umframeftirspurnar á sementi.

„Sú spurning vaknar hvers vegna verðið lækkaði hér á landi í ljósi þeirrar gífurlegu eftirspurnar sem hér var um árabil. Ekki verður annað séð en að Aalborg Portland hafi stundað stöðug undirboð allt frá þeim tíma er fyrirtækið kom á ný inn á markaðinn á Íslandi. Það eru vinnubrögð sem Sementsverksmiðjan á erfitt með að sætta sig við og áskilur sér rétt til að skoða frekar,“ segir Gunnar H. Sigurðsson framkvæmdastjóri.

 

Í yfirlýsingunni segir ennfremur að í tengslum við þá umræðu sem spunnist hefur undanfarna daga í fjölmiðlum um málefni Sementsverksmiðjunnar, sé rétt að halda því til haga að sjónarmið um nauðsyn opinberrar aðstoðar eða höft á samkeppni á sementsmarkaði séu ekki frá Sementsverksmiðjunni komin, enda hafi forsvarmenn verksmiðjunnar ekki farið fram á opinberan stuðning af neinu tagi.

 

„Við teljum þó að Viðskiptaráð hefði mátt kynna sér þetta tiltekna mál betur og öll sjónarmið áður en ráðið lét frá sér opinbera skoðun á málinu,“ segir einnig í yfirlýsingu framkvæmdastjóra Sementsverksmiðjunnar. Afrit var sent, Samtökum iðnaðarins, Samtökum atvinnulífsins og Alþýðusambandi Íslands.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is