Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. september. 2009 11:02

Stofnfundur samtaka aðstandenda barna með tal- og málhömlun

Í undirbúningi er stofnun samtaka aðstandenda barna með tal- og málhömlun og fagfólks. Fundurinn verður haldinn miðvikudaginn 16. september klukkan 20 í fyrirlestrarsalnum Skriðu við Stakkahlíð í Reykjavík, þar sem áður var Kennaraháskóli Íslands en er nú menntavísindasvið Háskóla Íslands. Að undirbúningi stofnunar samkanna hefur starfað vaskur hópur foreldra ásamt þremur talmeinafræðingum, sem láta sig mikið skipta velferð barna með málþroskaröskun. Markmið samtakanna eru: Að vekja athygli á nauðsynlegri þjónustu við börn með tal- og málhömlun, að fræða aðstandendur um tal- og málhömlun, að vinna að auknum “réttindum” barna með tal- og málhömlun og að hvetja til rannsókna á tal- og málhömlunum.

Í tilkynningu vegna stofnfundar samtakanna, sem í vinnu undirbúningshópsins hafa verið kölluð „Okkar mál,“ segir meðal annars. „Flest börn eru svo lánssöm að ná málþroska á eðlilegum tíma. Því miður er það ekki svo með öll börn. Hópur barna, eða allt að 7% eru með seinkaðan málþroska eða málþroskaröskun. Þetta er meðfæddur vandi sem liggur oft í ættum. Málþroskaröskun fylgja námserfiðleikar af einu eða öðru tagi; oftast leshömlun auk annars námsvanda, svo sem í stafsetningu, ritun, málfræði eða stærðfræði. Hægt er að finna stóran hluta barna með þessa röskun strax í leikskóla og með góðri þjálfun og markvissri vinnu þar er unnt að draga úr líkum á miklum námserfiðleikum. Mörg barnanna þurfa þó áframhaldandi þjálfun upp eftir grunnskólanum.

 

Mörg sveitarfélög á Vesturlandi bjóða íbúum upp á talmeinaþjónustu af einhverju tagi, oftast ráðgjöf og greiningu, en ekki alltaf meðferð. Margir foreldrar eða forráðamenn hafa því þurft að leita annað til að barnið þeirra fái viðeigandi þjónustu. Því fylgir verulegur kostnaður og oftast vinnutap. Þetta hefur haft þær afleiðingar að fjöldi barna hefur ekki fengið neina meðferð talmeinafræðings við sínum vanda. Þetta er óásættanlegt ástand og þessu viljum við breyta. Það er ósk okkar að húsfyllir verði á stofnfundinum til að sýna svart á hvítu hve fjölmennur þessi hópur er sem fær allt of litla þjónustu. Við hvetjum því alla og þó sérstaklega þá fjölmörgu foreldra á Vesturlandi sem eiga börn með mál- eða talmein að mæta. Þannig getum við gert okkur sýnileg og orðið sterkur þrýstihópur í baráttu fyrir þjónustu fyrir börnin okkar,“ segir í tilkynningu frá undirbúningshópnum.

 

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is