Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. september. 2009 07:40

Vopnaskak í Landnámssetrinu á laugardaginn

Dr. William R Short
Laugardaginn 12. september verður mikið um dýrðir í Landnámssetrinu. Víkingafélagið Rimmugýgur mun þá sýna bardagalist, dr. William Short og Einar Kárason tala um vopnaburð fornmanna og fyrsta sýning haustsins á Stormum og styrjöldum verður um kvöldið. Sýningar á bardagalist víkinga verða á flötinni við Landnámssetrið og hefjast klukkan 15 og 19. Rimmugýgur er íslenskt víkingafélag sem leggur stund á bardagalist með eftirlíkingum víkingavopna. Félagið er skipað ólíkum einstaklingum með mismunandi bakgrunn en áhuginn á menningu og bardagalist víkinga sameinar félagsmenn. Rimmugýgur dregur nafn sitt af exi Skarphéðins Njálssonar.

Klukkan 16 hefst á Sögulofti Landnámssetursins fyrirlestur dr. William R. Short um vopn og bardagatækni á víkingaöld.

William R. Short lauk doktorsnámi í vísindum frá tækniháskóla Massachusetts Institute of Technology og vann hann um 30 ára skeið við rannsóknir á hljóði, hljómburði og heyrn. Hann söðlaði hins vegar um fyrir um það bil tíu árum hefur síðan beint kröftum sínum að rannsóknum á vopnum og bardagalist víkindaaldar. Nýverið birti hann niðurstöður sínar í bókinni Wiking Weapons and Combat Techniques. Að loknum fyrirlestri dr. Short flytur Einar Kárason, rithöfundur, það sem hann kallar "óábyrga hugleiðingu" um vopn og vopnaburð á Sturlungaöld.

Allir eru velkomnir á fyrirlestra þeirra Williams og Einars á Söguloftinu á meðan húsrúm leyfir.

 

Klukkan 20.00 hefst leikhússárið í Landnámssetrinu með sýningunni Stormar & Styrjaldir í flutningi Einars Kárasonar. Efni sýningarinnar byggir á bókum Einars; Óvinafagnaði og Ofsa en í þeim fjallar hann um átök á Sturlungaöld. Sýningin var frumsýnd síðastliðinn vetur og hefur notið mikilla vinsælda.

 

Sjá nánar: www.landnamssetur.is

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is