Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. september. 2009 11:30

Nýja þjónustuverið opnað í morgun

Hörður Júlíusson var fyrsti gesturinn í morgun og fékk hann blóm.
Í morgun var opnað nýtt þjónustuver Akraneskaupstaðar á neðstu hæð Stjórnsýsluhússins að Stillholti 16-18. Ragnheiður Þórðardóttir deildarstjóri þjónustuversins segir að mesta breytingin með rýmra og betra húsnæði felist í auknum möguleikum að færa þjónustuna nær bæjarbúum og viðskiptavinum Akraneskaupstaðar. Nýja húsnæðið, sem er 240 fermetrar að stærð, mun auk þjónustuversins rýma Skipulags- og umhverfisstofu og Akranesstofu. Þarna var áður afgreiðsla VÍS og útibú Landsbankans til húsa.

Aðalverktaki við framkvæmdina var Eðallagnir ehf. á Akranesi sem fékk verkið í kjölfar útboðs í apríl. Ýmsir undirverktakar einnig frá Akranesi komu svo að verkinu. Með viðbótarverkum nam kostnaður við breytingar húsnæðisins 27,5 milljónum króna.

Með lokum framkvæmda á jarðhæð Stjórnsýsluhússins má segja að breytingar á bæjarskrifstofunum séu að mestu um garð gengnar. Eftir á að gera minniháttar lagfæringar á núverandi bæjarskrifstofum á 3. hæð Stjórnsýsluhússins, þar sem Framkvæmdastofa, Fjölskyldustofa og aðalskrifstofa verða. Lítið rask verður á húsnæðinu sjálfu en hins vegar munu starfsmenn á hæðinni færast til nema fjórir sem vinna í bókhaldi Akraneskaupstaðar.

 

 

 

Auk þess sem aðgengi batnar að skrifstofum og þjónustu Akraneskaupstaðar með tilkomu nýja þjónustuversins lengist opnunartími á bæjarskrifstofunum. Þær verða nú opnar í hádeginu og til viðbótar venjulegum opnunartíma frá 9:30 til 15:30, verður opið til klukkan 17:00 á fimmtudögum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is