Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. september. 2009 02:05

Ekki fleiri flóttamann til Akraness í bili

Börn úr hópnum sem kom í fyrra.
Núna þegar ár er liðið frá því 29 palentískir flóttamenn komu til Akraness er ljóst að ekki verður tekið á móti öðrum hópi flóttamanna til bæjarins á þessu ári, eins og áformað var fyrir ári. Reyndar hefur Flóttamannaráð Íslands ákveðið að ekki verði tekið við flóttafólki til landsins í ár, af efnahagsástæðum. Hjá Flóttamannaráði liggur ekki fyrir nein ákvörðun um hvort tekið verði við hópi flóttamanna á næsta ári, en þar á bæ mun vera í skoðun hvort móta eigi þá stefnu að taka á móti flóttafólki annað hvort ár eins og gert var um árabil.  Hópurinn sem kom á Skagann síðasta haust samanstóð af einstæðum mæðrum og börnum þeirra frá leikskólaaldri upp í unglinga á framhaldsskólaaldri. Fólkinu hefur gengið vel að aðlagast aðstæðum á Akranesi. Það sem hins vegar hefur sett strik í reikninginn nú þegar samningur við Flóttamannaráð Íslands er að renna út, er að kreppan og atvinnuástand gerir möguleika kvenna til vinnu mjög litla.

Gísli S. Einarsson bæjarstjóri segir að samningurinn hafi falið í sér fyrirvara á framlengingu og bæjarstjórn Akraneskaupstaðar hefi leitað eftir framlengingu við ráðuneytin tvö sem Flóttamannaráð heyrir undir, félagsmála og fjármála, og hafi fulltrúar bæjarins mætt skilningi á þeim fundum.

 

Guðrún Ögmundsdóttir hjá Flóttamannaráði Íslands segir að móttaka flóttamanna til Akraness hafi gengið vel og verkefnið sé til sóma öllum þeim sem að því hafa komið, en meðal annarra á Rauði Kross Íslands sterka aðkomu að flóttamannahjálp á Íslandi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is