Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. september. 2009 12:03

Vaxtar- og menningarsamningar lausir um áramót

Páll S Brynjarsson
Páll S. Brynjarsson, formaður Samtaka sveitarfélaga á Vesturlandi, sagði við upphaf aðalfundar SSV fyrir skömmu, að mikið vatn hefði runnið til sjávar frá því vestlenskir sveitarstjórnarmenn hittust fyrir tæpu ári á aðalfundi að Laugum í Sælingsdal. “Efnahagslíf okkar Íslendinga hefur tekið kollsteypu og starfsumhverfi sveitarfélaga er breytt. Þrátt fyrir það hefur starfsemi SSV verið í megindráttum með hefðbundnum hætti á liðnu starfsári.” Páll rakti störf stjórnar á síðasta starfsári og verkefni framundan. Stjórn SSV var í fyrra kosin til tveggja ára og var því ekki kosið í hana í ár. Sagði hann að núgildandi Vaxtarsamningur Vesturlands, sem starfræktur hefur verið síðan vorið 2007, renni út í lok þessa árs. Nefnd hafi verið skipuð til að fara yfir áherslur fyrir nýjan samning og það væri sitt mat að vaxtarsamningurinn hafi verið afar mikilvægur fyrir byggðaþróun í landshlutanum.

Hann sagði samninginn hafa stutt við vaxtarbrodda á svæðinu og skapað ný tækifæri. “Með hliðsjón af því árferði sem við búum við í dag skipir miklu máli að sveitarstjórnarmenn, fulltrúar atvinnulífs og háskóla á Vesturlandi skilgreini sóknarfæri landshlutans og að við fáum stuðning ríkisins til þeirra góðu verka sem skilgreind verða í nýjum samningi. Við þurfum framsókn í kreppunni,” sagði Páll.

Páll sagði að einnig væri unnið að endurnýjun menningarsamningsins sem rann út á þessu ári. “Samningurinn hefur tvímælalaust stuðlað að öflugra menningarlífi á Vesturlandi og gegnum hann hefur verið hægt að styðja við ýmis verkefni.”

 

Nánar um framsögu formanns stjórnar SSV í Skessuhorni vikunnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is