Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. september. 2009 05:08

Viljayfirlýsing um gagnaver í Borgarbyggð

Fulltrúar Greenstone hafa áhuga á uppbyggingu gagnavers í Borgarbyggð
Á fundi byggðaráðs Borgarbyggðar í morgun var samþykkt að fela sveitarstjóra að rita undir viljayfirlýsingu við Greenstone um uppbyggingu netþjónabús í Borgarbyggð. Ekki liggur fyrir um hve stórt verkefni gæti orðið að ræða en til greina kemur allt frá litlu netþjónabúi sem útheimti tiltölulega lítið land upp í eitt af stærri gerðinni sem krefðist hundruð hektara landrýmis.

“Við reiknað með að skrifað verði undir samkomulag við Greenstone á næstu dögum,” segir Páll S Brynjarsson sveitarstjóri í samtali við Skessuhorn. Hann segir að í þessu felist að samningsaðilar ætla í samstarf um uppbyggingu netþjónabús en ekki liggur fyrir nákvæmlega hvar það yrði staðsett enda færi það eftir kröfu fjárfesta um landstærð eins og áður segir.

“Við munum leggja til lóð og hugmyndir að landrými, en hlutverk Greenstone verður að kynna möguleika Borgarbyggðar og beina öðrum fjárfestum inn á svæðið. Það þarf til dæmis að liggja fyrir hversu stóra lóð þarf, hvort hægt sé að rúma þessar hugmyndir innan skipulags sem er til, upplýsingar um framkvæmdahraða og annað slíkt,” segir Páll. Hann segir að Greenstone hafi nú þegar rætt við átta önnur sveitarfélög um sambærilegar viljayfirlýsingar en fyrirtækið vill hafa ákveðna fjölbreytni í valkostum til að bjóða hér á landi fyrir væntanleg gagnaver.

 

Forsendur fyrir byggingu gagnavera þykja góðar hér á landi. Þar kemur til lofthiti, landrými, raforka og ekki síst vatn til kælingar. Fyrir liggur til dæmis að Blönduós þykir ákjósanlegur staður fyrir stórt gagnaver og spilar Blanda þar stórt hlutverk. Á sama hátt er Borgarfjörður vænlegt svæði meðal annars vegna Hvítár, landrýmis og fjarlægðar frá virkum jarðskjálftasvæðum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is