Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. september. 2009 03:49

Segir ráðherra hafa ráðist inn á einkalóð

Umrædd kvikmyndataka í gær á botnhreinsisvæði Þ&E, var án leyfis lóðareiganda.
Vegna fréttar á vef Skessuhorns af upptökum á alþjóðlegum sjónvarpsþætti sem fram fóru í skipalyftu Þorgeirs & Ellerts á Akranesi í gær, vill Ingólfur Árnason framkvæmdastjóri koma á framfæri harkalegri athugasemd við framferði Ögmundar Jónassonar ráðherra. Ingólfur segir ráðherrann hafa ruðst inn á sína einkalóð ásamt norska fylgdarliðinu án leyfis. „Slippurinn á Akranesi er einn örfárra á Íslandi sem enn eru í einkaeigu og er því einkalóð. Vaðandi með yfirgangi og reka menn frá vinnu er algjörlega ólýðandi, þótt viðkomandi sé ráðherra og heiti Ögmundur Jónasson. Þessi upptaka á sjónvarpsþættinum verður ekki birt án míns leyfis. Ég vænti þess að fá opinbera afsökun frá ráðherra og vonast til að hann muni framvegis bera meiri virðingu fyrir því atvinnlífi í landinu sem enn er starfandi, en þetta framferði sýnir,“ segir Ingólfur.

Jafnframt sagðist Ingólfur ekki sætta sig við það orðalag sem var í frétt sem birtist á vef Skessuhorns í gær þar sem skilja mátti að slippurinn á Akrenesi væri aflagður. Svo er að sjálfsögðu alls ekki enda Skipasmíðastöð Þorgeirs & Ellerts í fullri starfsemi. Skessuhornsvefurinn biðst afsökunar á því og hefur orðalagi í þeirri frétt nú verið breytt til samræmis við það.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is