Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. september. 2009 02:39

Nýtt ungmennahús tekið í notkun í Borgarnesi

Frá opnun nýju félagsaðstöðunnar í gær.
Í gærkvöldi var formlega opnað nýtt ungmennahús í kjallara menntaskólahússins í Borgarnesi. Það er ætlað öllu ungu fólki á aldrinum 16-25 ára í Borgarbyggð. Að því standa Nemendafélag Menntaskóla Borgarfjarðar og Mímir ungmennahús, sem starfrækt hefur verið í áratug í Borgarnesi, síðast til húsa í fyrrum slökkvistöð og kartöflugeymslu við Kveldúlfsgötu 2b. Á skólatíma menntaskólans er reiknað með að nemendur skólans hafi aðstöðuna til umráða en á kvöldin verði ungmennahúsið opið fyrir alla í sveitarfélaginu. Flutningur og undirbúningur opnunarinnar hefur staðið yfir síðustu tvær vikur. Haft var á orði við vígsluna að fá ef nokkur önnur ungmennahús í landinu hafi svo rúmgóða aðstöðu til ráðstöfunar. Þar hefur unga fólkið komið fyrir setustofu, sjónvarpi, skjávarpa til bíósýninga, kaffistofu, billjard- og pókerborðum og þar er einnig tónlistarherbergi með hljóðfærum.

Indriði Jósafatsson, íþrótta- og æskulýðsfulltrúi Borgarbyggðar lýsti starfsemi nýja ungmennahússins sem og Hugrún Hildur Bjarnadóttir formaður Mímis. Páll S Brynjarsson sveitarstjóri, Ársæll Guðmundsson skólameistari MB og Ásdís Helga Bjarnadóttir formaður tómstunda- og menningarnefndar ávörpuðu gesti. Að lokum var boðið upp á veitingar. “Það gerist hér eftir í kjallaranum,” voru upphafsorð Ársæls og vísaði hann þar til tómstundastarfs ungs fólks í sveitarfélaginu. Hann fagnaði því að fá þessa starfsemi væri nú komin í húsið enda væri það hugsað til fjölþættrar menningarstarfsemi ekki síður en að þjóna hlutverki skólahúss.

 

 

Nánar í Skessuhorni í næstu viku.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is