Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. október. 2009 11:24

Segir kostnað langt yfir útboðsskylda upphæð

Eggert Herbertsson framkvæmdastjóri Omnis ehf. segir í aðsendri grein á vef Skessuhorns kostnað við rekstur tölvukerfa Akraneskaupstaðar allt að 170% hærri en kostnaður við rekstur kerfa Akureyrar enda hafi Akureyrarbær í þrígang boðið reksturinn út með góðum árangri. Í greininni er hann að svara Gísla S Einarssyni sem ritaði grein á sama miðil í síðustu viku. Eggert segir jafnframt að tillögum starfsmanna Omnis ehf. um allt að 11 milljón króna árlegan sparnað í rekstri tölvukerfa Akraneskaupstaðar hafi aldrei verið svarað af hálfu bæjaryfirvalda þrátt fyrir að nokkrir stjórnendur stofnana bæjarfélagsins hafi verið áhugasamir um tillögurnar og sagt ríka kröfu uppi um sparnað í rekstri.

Þá segir Eggert í grein sinni að bæjaryfirvöld láti fólk standa í þeirri trú að verðmæti samnings um tölvumál sé einungis um sex milljónir króna svo ekki þurfi að fara með málið í útboð. Tala nær raunveruleikanum sé hins vegar „á þriðja eða jafnvel á fjórða tug milljóna út frá þeim viðskiptum sem samningur þessi skapar,“ eins og segir orðrétt í greininni. Því hafi Omnis orðið að leita úrskurðar kærunefndar útboðsmála.

 

„Upphaf þess að útboð í tölvuþjónustu Akraneskaupstaðar er nú rætt má rekja til óánægju stjórnenda og forstöðumanna bæjarins með þann kostnað sem nú er við þennan málaflokk hjá bænum. Þá umræðu þekkir Gísli S. Einarsson bæjarstjóri frá upphafi enda einn af upphafsmönnum hennar,“ segir Eggert í niðurlagi greinar sinnar sem eins og áður sagði er birt hér á vefnum. Sjá grein Eggerts HÉR

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is