Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. október. 2009 08:05

Vonast til að setja met á Merkurtúninu

Anna Lára Steindal
Þessa vikuna stendur yfir kynningarvika hjá Rauða krossi Íslands og verður mikið um að vera hjá Rauða kross deildinni á Akranesi. Anna Lára Steindal, framkvæmdastjóri Akranesdeildar RKÍ, segir að efst á baugi sé svokallað Liðsaukaverkefni, en það gangi út á að safna eitt þúsund sjálfboðaliðum um land allt á skrá til aðstoðar á tímum áfalla. Leitað er að fólki, 18 ára og eldri, sem hefur áhuga á mannlegum samskiptum og er tilbúið að leggja sitt að mörkum ef á reynir. Komi upp einhverjir stórir viðburði verði svo hægt að leita til þessa fólks. Verkefnin gætu til dæmis verið að svara í síma, skrá niður upplýsingar, passa börn, elda mat, túlka eða bara vera til staðar og veita stuðning og hlýju.

Opið hús

“Við ætlum líka að vera með opið hús í húsnæði deildarinnar að Skólabraut 25a miðvikudagskvöldið 14. október og hefst það klukkan 20:15. Auk liðsaukaverkefnisins kynnum við þar heimsóknaþjónustu okkar, prjónahóp, skákklúbb Rauða kross deildarinnar sem starfar í samvinnu við Hrókinn, Skvíshóp og Margmenningarbandið, sem er hljómsveit í burðarliðum skipuð fólki frá mörgum þjóðlöndum,” segir Anna Lára. „Það er ævinlega mikið um að vera hjá Rauða krossinum á Akranesi og ég er handviss um að allir geta fundið eitthvað við sitt hæfi hjá okkur,“ bætir hún við.

 

Met á Merkurtúni

Anna Lára segir að þar með sé ekki allt upp talið því fimmtudaginn 15. október næstkomandi stefni deildin á að setja met í að mynda merki Rauða krossins á Merkurtúninu. “Þangað stefnum við rauðklæddum Skagamönnum og myndatökumönnum til að mynda þetta úr lofti. Það hefur ekki gengið of vel hjá okkur  Skagamönnum í fótboltanum að undanförnu en hér gefst okkur tækifæri til þess að sýna samstöðu og setja met. Við leggjum upp með að mynda stærri kross en búinn verður til í Reykjavík,” segir Anna Lára og hvetur Skagamenn til að mæta rauðklædda á Merkurtúnið á fimmtudaginn klukkan 17.00.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is