Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. október. 2009 09:05

Kirkjur í Borgarfjarðarprófastsdæmi

Forsíða öskjunnar sem geymir bækurnar tvær.
Bókaflokkurinn Kirkjur Íslands er grundvallarrit um friðaðar kirkjur á Íslandi þar sem horft er á þær frá sjónarhóli byggingarlistar, stílfræði og þjóðminjavörslu. Bindi númer 13 og 14 eru nýlega komin út og fjalla þau bæði á um 700 blaðsíðum um friðaðar kirkjur í Borgarfjarðarprófastsdæmi. Mjög er vandað til allrar forvinnu og prentunar með fjölda litmynda en þeir Þorsteinn Gunnarsson og Jón Torfason ritstýrðu verkinu. Höfundar efnis eru Björk Ingimundardóttir, Geir Waage, Sigríður Björk Jónsdóttir, Lilja Árnadóttir, Guðrún Sveinbjarnardóttir, Guðmundur L. Hafsteinsson, Guðrún Harðardóttir og Gunnar Bollason.

“Í máli og myndum er fjallað um kirkjurnar sjálfar og sögu þeirra ásamt kirkjugripum og minningarmörkum. Bækurnar opna sýn inn í þátt í menningarsögu Íslendinga heima í héraði, því kirkjan er ekki aðeins musteri trúar, heldur einnig sýnileg táknmynd þess besta í byggingar- og listasögu þjóðarinnar á hverjum tíma. Þetta eru í raun glæsilegar listaverkabækur,” segir í fréttatilkynningu frá útgefendum. Bækurnar eru prýddar fjölda ljósmynda af kirkjunum, kirkjumunum og minningarmörkum sem Ívar Brynjólfsson ljósmyndari Þjóðminjasafns hefur tekið, ásamt gömlum og nýjum teikningum af kirkjunum. Kirkjurnar sem fjallað eru um í bókunum tveimur eru: Akraneskirkja, Fitjakirkja, Gilsbakkakirkja, Hvanneyrarkirkja, Innra-Hólmskirkja, Leirárkirkja, Reykholtskirkja, Stóra-Áskirkja, Akrakirkja, Álftaneskirkja, Álftártungukirkja, Borgarkirkja, Hjarðarholtskirkja, Hvammskirkja og Stafholtskirkja.

 

Útgefendur þessara binda eru Þjóðminjasafn Íslands, Húsafriðunarnefnd, Biskupsstofa og Borgarfjarðarprófastsdæmi. Meðútgefandi er Hið íslenska bókmenntafélag, sem einnig annast dreifingu.

Klaufalegar upplýsingar
- 12.11.2009 19:53:00 að mínu marðti sem höfundur
Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is