Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. október. 2009 09:05

Alþýðuhúsið í Borgarnesi verður stækkað

Byrjað er að undirbúa stækkun Alþýðuhússins í Borgarnesi, aðalskrifstofu Stéttarfélags Vesturlands. Í vikunni sem leið var byrjað að hreinsa klæðningu af útvegg hússins þar sem stækkunin mun koma og er stefnt að því að viðbygging verði fokheld fyrir 1. desember næstkomandi. Ekki eru meira en fjögur ár síðan húsið var tekið í notkun, en það var byggt af Verkalýðsfélagi Borganess sem síðan hefur verið sameinað verkalýðsfélögunum í Dalasýslu og sunnan Skarðsheiðar.

Að sögn Signýjar Jóhannesdóttur, formanns Stéttarfélags Vesturlands, verður húsið stækkað um rúmlega 50 fermetra en skortur var orðinn á auknu rými.

“Það er aukin húsnæðisþörf hjá okkur meðal annars vegna stækkunar félagsins og fleiri verkefna. Hjá okkur fer til dæmis atvinnuleysisskráning fram og verkefni í kringum endurhæfingarsjóð. Það er einungis ein skrifstofa í húsinu sem hægt er að loka og þeim verðum við að fjölga. Það má líka segja að það hafi ríkt ákveðin naumhyggja þegar húsið var byggt og menn voru aðhaldssamir, vildu ekki byggja of stórt,” segir Signý.

 

Um byggingu hússins var samið við verktaka í heimabyggð og reynt að skipta við sem flesta. “Við viljum ekki bjóða út svona verk miðað við þær aðstæður sem eru á vinnumarkaðnum í dag,” segir Signý.

 

Auk skrifstofunnar í Borgarnesi rekur félagið skrifstofu í Búðardal sem opin er annan hvern fimmtudag. Í síðustu viku var auk þess opnuð skrifstofa í nýja skrifstofuhóteli Hvalfjarðarsveitar á Hagamel. Þar er opið einu sinni í viku frá klukkan 8:30 til 12:30 á þriðjudögum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is