Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. október. 2009 11:07

Búið að stofna Vesturlandsdeild Félags sykursjúkra

Hluti stofnfélaga.
Ljósm. hs.
Vesturlandsdeild Félags sykursjúkra var stofnuð í gærkvöldi í Stúkuhúsinu á Akranesi. Um tuttugu manns gerðust stofnfélagar og segir Jón Sólmundarson, sem kosinn var formaður félagsins, að stofnfélagarnir séu allir af Akranesi. „Það er nýbyrjað að stofna deildir innan Félags sykursjúkra, sem starfar á landvísu. Nýlega var stofnuð deild á Suðurnesjum og fyrir var sérstakt félag á Akureyri,” segir Jón. Með honum í stjórn voru kosin þau Erna Njálsdóttir, Sigurður Aðalsteinsson og Davíð Kristjánsson. Á fundinum hélt Andrea Gylfadóttir fótasérfræðingur fyrirlestur um fótamein sykursjúkra og meðferð við því.

 

 

 

Jón segir að framundan sé skipulagning fyrir alþjóðadag sykursjúkra, sem er 14. nóvember. „Þann dag ætlum við að vera með mælingar og kynningu á starfsemi Félags sykursjúkra framan við Apótek Vesturlands á Akranesi. Í framhaldinu ætlum við svo að koma á skipulegri hreyfingu meðal sykursjúkra, til dæmis reglulegum gönguferðum eða hjólreiðaferðum auk þess að vera reglulega með fræðslufyrirlestra. Það er full ástæða til að hvetja sykursjúka Vestlendinga og aðstandendur þeirra til að ganga í deildina okkar. Sykursjúkir á landinu eru margir utan félagsins því talið er að 6.000-8.000 Íslendingar séu haldnir sjúkdómnum, en félagsmenn eru einungis um 3000,” segir Jón og bætir við að þeir sem vilji ganga í félagið geti haft samband við sig á netfangið jonsol@simnet.is eða í síma 894-8326.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is