Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. október. 2009 02:39

Brugðist við ágengum plöntum í landi Stykkishólms

Náttúrustofa Vesturlands hefur í samvinnu við Stykkishólmsbæ brugðist við „ágengum plöntum“ sem herja í landi bæjarins. Náttúrustofan hefur nú gefið út skýrsluna „Ágengar plöntur í Stykkishólmi – útbreiðsla Alaskalúpínu, skógarkerfils, Spánarkerfils og bjarnarklóar og tillögur um mótvægisaðgerðir.“ Skýrslan er unnin að frumkvæði Stykkishólmsbæjar en varð að samvinnuverkefni bæjarins og Náttúrustofunnar.

Kynningarfundur um skýrsluna verður haldinn á ráðhúsloftinu, Hafnargötu 3, Stykkishólmi, þriðjudaginn 27. október. Í tilkynningu frá Náttúrustofu í tilefni útgáfu skýrslunnar segir m.a.: „Ljóst er að allar framangreindar plöntur geta ógnað líffræðilegum fjölbreytileika svæðisins. Því er lagt til að gerð verði tilraun til að útrýma þeim öllum úr landi Stykkishólmsbæjar með markvissum aðgerðum.

Í skýrslunni eru settar fram leiðir að því markmiði með aðferðum sem sniðnar eru að hverri tegund. Góð samvinna bæjaryfirvalda og íbúa er forsenda þess að verkefnið takist. Til að viðhalda árangri átaksins er eftirfylgni mikilvæg og er m.a. lagt til að sveitarfélagið marki sér skýra stefnu varðandi innflutning og dreifingu ágengra plöntutegunda.“

 

Gerð var úttekt á útbreiðslu fjögurra plöntutegunda í landi Stykkishólmsbæjar, sem nær yfir tæpa 10 km2. Tvær þeirra, Alaskalúpína og skógarkerfill eru flokkaðar sem ágengar, bjarnarkló er í flokki mögulega ágengra plantna en ekki er vitað hvort Spánarkerfill sé ágengur. Vaxtarstaðir plantnanna voru kortlagðir og flatarmál breiða af þeim metið.

 

Í skýrslunni segir að ljóst sé að ágengar tegundir geti haft verulega neikvæð áhrif á líffræðilega fjölbreytni. Áætlað er að á heimsvísu megi nú finna a.m.k. 100-550 þúsund tegundir plantna og dýra sem lifa utan náttúrulegra heimkynna sinna og er talið að allt að 80% tegunda á alþjóðlegum válistum séu þar vegna neikvæðra áhrifa innfluttra tegunda.

 

Á Íslandi er að finna a.m.k. 126 framandi tegundir sem náð hafa nokkurri fótfestu í náttúrunni. Sjö þeirra teljast vera ágengar og 17 mögulega ágengar. Til að draga úr kostnaði og auka líkurnar á árangri gegn innfluttum, ágengum tegundum sé mikilvægt að grípa til skipulegra aðgerða sem fyrst eftir að tegund nær fótfestu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is