Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. október. 2009 02:28

Dalamenn ásaka ríkisvaldið um ranga forgangsröðun

Sveitarstjórn Dalabyggðar mótmælti á fundi sínum í gær forgangsröðun ríkisins í niðurskurði fjárveitinga. Tvær ályktanir voru samþykktar á fundinum í þessa veru. Í fyrri ályktuninni undrast sveitarstjórn þá leið sem farin var við úthlutun eins miljarðs aukaframlags Jöfnunarsjóðs vegna þessa árs, sem þýðir 5% samdrátt í heildartekjum a-sjóðs sveitarfélagsins. Þá mótmælir sveitarstjórn 40% niðurskurði í jöfnun námskostnaðar, sem boðað er í fjárlagafrumvarpinu.

Í ályktun sveitarstjórnar vegna aukaframlags Jöfnunarsjóðs segir að hafi markmiðin með breyttum úthlutunarreglum verið að mæta þeim áföllum sem sveitarfélögin urðu fyrir árið 2009 sé ljóst að þau hafa ekki náðst. Mörg sveitarfélög þar sem hlutdeild Jöfnunarsjóðs í tekjum er yfir 50% fái þannig minna aukaframlag í ár en á síðasta ári.

Varðandi boðaða 40% lækkun á jöfnun námskostnaðar segir sveitarstjórn Dalabyggðar í ályktun sinni að þetta bitni hart á þeim íbúum landsins sem ekki eiga þess kost að senda börn sín í framhaldsskóla í heimabyggð.

„Sveitarstjórn Dalabyggðar skorar á þingmenn að breyta frumvarpinu í meðförum þingsins. Það er ljóst að skera þarf niður til að mæta halla á ríkisbúskapnum en það má ekki verða til þess að auka ójöfnuð. Á Íslandi á að vera jafn réttur til náms óháð efnahag eða búsetu,“ segir í ályktun sveitarstjórnar Dalabyggðar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is