Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. október. 2009 08:03

Nýjar bækur kynntar í Borgarnesi í kvöld

Forsíða nýju bókar Böðvars.
Óhætt er að segja að borgfirskir sagnaritarar hafi verið í stuði að unanförnu ef marka má útkomnar og væntanlegar bækur þeirra. Þetta mun berlega koma í ljós í kvöld, fimmtudaginn 22. október klukkan 20.00, þegar boðið verður til sagnakvölds í Safnahúsi Borgarfjarðar. Þar lesa fjörir höfundar upp úr nýjum bókum og allir tengjast þeir héraðinu. Bækurnar eru gefnar út af bókaforlögunum Uppheimum og JPV forlagi.

Á Sagnakvöldi mun Bragi Þórðarson lesa upp úr væntanlegri bók sinni Sporaslóð (Uppheimar), Óskar Guðmundsson les upp úr bók sinni Snorri – ævisaga Snorra Sturlusonar (JPV útgáfa), Bjarni Guðmundsson les úr bók sinni ...Og svo kom Ferguson (Uppheimar) og loks mun Böðvar Guðmundsson lesa upp úr bók sinni Enn er morgunn (Uppheimar).

Ennfremur verður á Sagnakvöldi greint frá öðrum nýjum bókum tengdum Borgarfirðinum. Í lok dagskrár fer Bjarni Guðmundsson með kvæðið Sumar eftir Guðmund skáld Böðvarsson og flytur stutta hugleiðingu um það. Sagnakvöldið verður í sýningarsal á neðri hæð Safnahússins að Bjarnarbraut í Borgarnesi. Aðgangur er ókeypis og eru allir velkomnir.

 

 

Enn er morgunn

“Enn er morgunn” er ný skáldsaga eftir Böðvar Guðmundsson sem kom út í gær. Líkt og í fyrri bókum skáldsins er umfjöllunarefni þessarar bókar ólíkir heimar sem mætast, þótt sögutíminn og sögusviðið sé annað. “Hér er í forgrunni kraftmikil örlagasaga manns og konu sem elska hvort annað, meðan allur hinn siðmenntaði heimur fer á annan endann. Undir niðri krauma áleitnar spurningar um val einstaklingsins og ábyrgð, um tryggð og fjölskyldubönd, ætt og uppruna, þjóðerni og kynþátt; spurningar um stríð eða frið, líf eða dauða. Mögnuð lesning og öllum holl, ekki síst á tímum þegar svo freistandi er að fella þunga dóma,” segir í tilkynningu frá Uppheimum sem gefa bókina út.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is